أردوُغان: بوُلان یر تیتره مه سی یالی یاغدایدا هیچ‌بیر یورت تۆرکیه یالی چالت ایشلأپ بیلمِز

تۆرکیأنینگ جمهورباشلیغی رجب طیب أردوُغان حاتای ولایاتیندا بیانات بردی.

تۆرک یوُلباشچی "بوُلان یر تیتره مه سی یالی شیله بیر بدباغتچیلیقدا تۆرکیه دن چالت حرکت ادیپ بیلجک اۆلکه یوُقدیر" دیدی.

آرادان چیقانلارینگ و ضلل گؤرِنلرینگ قارینداشلارینا دویغوداشلیق بیلدیرن أردوُغان آفاد قوراماسیندان ماغدان ایشچیسینه، شهر حأکیملیگیندن جمغیتچیلیک قورامالاری نینگ 35 مۆنگ سانی پرسنلی نینگ بارلاغ حالاص ادیش توُپارلاری نینگ یر تیتره مه سی بوُلان یرلرده ایش آلیپ باراندیغینی و شونونگ یالی بیر یاغدایینگ دۆنیأده بوُلماندیغینی آیتدی.

أردوُغان دؤولت و میللتینگ بۆتین مۆمکینچیلیکلرینی یر تیتره مه سی بوُلان یرلر اۆچین ایبرندیکلرینی آیتدی و آرادان چیقانلارینگ سانی نینگ 48 مۆنگ آداما یتندیگینی بیلدیردی.

تۆرکیأنینگ جمهورباشلیغی، یر تیتره مه سیندن ضلل گؤرِنلر اۆچین اؤی و چالت یاغدایدا ایمیت- ناهار و گِییم یتیشدیرمه ک اۆچین ایشلرینگ دوُوام ادیأندیگینی بیلدیردی و 650 مۆنگ اؤیۆنگ سالینمالیدیغینی نیغتادی.

أردوُغان حاتای دا 244 مۆنگ اؤی و اوُبالاریندا 75 مۆنگ اؤیۆنگ بیر ییلدا سالینجاقدیغینی بیلدیردی.