تۆرکیه ده گۆیچلی یر تیتره‌مه‌سی بوُلدی
ایلکینجی حابارلارا گؤرأ یر تیتره‌مه‌سینده ییتگی چکنلر بار
تۆرکیأنینگ قاهرامان ماراش ولایاتی نینگ بازارجیق شهرینده 7.4 بال اولولیغینیدا یر تیتره مه سی بوُلدی.
ایلکینجی حابارلارا گؤرأ یر تیتره مه سینده 76 آدام آرادان چیقدی، 440 آدام یارالاندی.
تۆرکیأنینگ واغتی بیلن دانگ بیلن ساغات 04.17-ده قاهرامان ماراش ولایاتیندا یر تیتره دی.
بو یر تیتره مه گیندن سوُنگرا یر ینه 10-دان کؤپ گِزه‌ک ائراندی.
بو طبیغی پاجیغادان سوُنگرا 4-نجی اِتاپ یاغدای ایغلان ادیلدی.
بو اتاپدا حالقارا قورامالار و داشاری یورتلاردان دا کؤمِک سوُرالیار.
تۆرکیأنینگ جمهورباشلیغی رجب طیب أردوُغان بو یر تیتره مه سیندن سوُنگرا "قاهرامان ماراش دا بوُلان و یوردومیزینگ کؤپ یرینده ده دویولان یر تیتره مه سیندن یاراماز تأثیر آلان بۆتین یورتداشلاریمیزا گچنی بوُلسون دیأریس" دیدی.
تۆرکیأنینگ جمهورباشلیغی نینگ اوُرونباساری فواد اوکتای و بیرنأچه وزیر واقادان سوُنگرا آفاد قوراماسیندا ایش آلیپ باریار.
