تۆرکیه دأکی یر تیتره مه سینده ییتگیلرینگ سوُنگقی سانی

تۆرکیأنینگ ساغلیغی قوُراییش وزیری فخرالدین قوجا قاهرامان ماراش داقی یر تیتره مه سی سبأپلی آرادان چیقانلارینگ سانی نینگ 1651 آداما یتندیگینی و 11 مۆنگ 119 آدامینگ دا یارالاناندیغینی آیتدی.

یر تیتره مه سی نینگ مرکزی نینگ یرینگ 7 کیلومتر آشاغیندا بوُلاندیغی بیلدیریلیپدی.

یر تیتره مه سی 30 ثانیه دن کؤپ دوُوام اتدی.

بو یر تیتره مه سی قاهرامان ماراش، مالاتیا، غازی آنتپ، حاتای، آدانا، کیلیس، آدی یامان، دیاربکر، شانلی اورفا و عثمانیه ولایاتلاریندا کؤپ سانلی جایینگ ییقیلماغینا سبأپ بوُلدی.

یر تیتره مه سی 10 ولایاتدا 13.5 میلیون آدامینگ یاشاییشینا یاراماز تأثیر یتیردی.

3 مۆنگ 471 جای ییقیلدی.

9 مۆنگ 698 آدام بارلاغ و حالاص ادیش توُپارلاریندا ایش آلیپ باریار.

14 مۆنگ 720 آدام ضلل گؤرن یرلرده کؤمک و حالاص ادیش ایشلرینه قاتناشیار.

17 اوچار بیلن ایستامبول، ایزمیر و آنکارادان غازی آنتپ و آدانا ایزی گیدرلی یاغدایدا کؤمِک ایبریلدی.