تۆرکیه آذربایجان ینگ ایلچیحاناسینا قورالان هۆجۆمی یازغاردی

آذربایجان ینگ ایران ینگ پایتاغتی تهران داقی ایلچیحاناسینا قورالان هۆجۆمده قوراغچیلارینگ باشلیغی آرادان چیقدی.

آذربایجان ینگ داشاری ایشلر وزیرلیگی شو گۆن باکونینگ واغتی بیلن ساغات 8.30-دا تهران داقی ایلچیحاناسینا یاراغلی هۆجۆم قورالاندیغینی بیلدیردی.

بیاناتدا کلاشنیکف یاراغی بیلن اوُد آچان هۆجۆمچی نینگ قوُراغچیلارینگ باشلیغینی اؤلدۆرندیگی و ایکی قوُراغچینی دا یارالاندیغی بیلدیریلیأر.

تۆرکیه آذربایجان ینگ تهران داقی ایلچیحاناسینا ادیلن هۆجۆمی برک یازغاردی و همیشه آذربایجان ینگ یانیندا بوُلاندیغینی بیلدیردی.

وزیرلیک، تۆرکیأنینگ داشاری ایشلر وزیری مولود چاووش اوُغلونینگ آذربایجان ینگ داشاری ایشلر وزیری جیحون بایراموف بیلن تلفن آرقالی دوشوشاندیغینی بیلدیردی.

تۆرکیأنینگ داشاری ایشلر وزیرلیگی نینگ بیاناتیندا "وزیر چاووش اوُغلی آذربایجان ینگ تهران داقی ایلچیحاناسینا ادیلن حیاناتچیلیقلی هۆجۆمی اینگ گۆیچلی یاغدایدا یازغاریاندیغیمیزا، جان آذربایجان ینگ همیشه یانیندا دوریاندیغیما اۆنس چکدی. چاووش اوُغلی ایلچیحانانینگ ایشله یأنی نینگ آرادان چیقماغینا قینانچ بیلدیردی و یارالیلارا چالت یاغدایدا بجرگی آرزوو اتدی" دییلدی.