أردوُغان: مارت آیی نینگ آخیریندا قارادنگیزینگ طبیغی گازی اؤیلره گلر

تۆرکیأنینگ جمهورباشلیغی، بیله‌جیک ولایاتیندا آلتین ماغدانینی آچدی

1938889
أردوُغان: مارت آیی نینگ آخیریندا قارادنگیزینگ طبیغی گازی اؤیلره گلر

 

تۆرکیأنینگ جمهورباشلیغی رجب طیب أردوُغان بیله‌جیک ولایاتیندا آلتین ماغدانی نینگ آچیلیش داباراسینا قاتناشدی.

أردوُغان "سؤگۆت آلتین ماغدانین نیگ آچیلیش و ایلکینجی آلتین دؤکمه داباراسیندا" بیاتان بردی.

أردوُغان "تأزه تاپیلان رزرولر بیلن آلتین اؤنۆمینی یوُقارلاتماغی ماقصات ادیأریس" دیدی.

2021-نجی ییلینگ یانوار آییندا باشلان بارلاغلارینگ نتیجه سینده بو یرده 60 تن آلتین رزروی نینگ بوُلاندیغی مألیم بوُلوپدی.

بو ماغداندان ایلکینجی اِتاپدا 2.5 تن آلتین چیقاریلار.

اۆچ ییل ایچرسینده آلتین اؤنۆمی 6.5 تن بوُلار.

قارادنگیزده تاپیلان 710 میلیارد مکعب متر طبیغی گاز رزروینی ده یاتلادان أردوُغان،

"میللتیمیزه سؤز بریپدیک و مارت آیی نینگ آخیریندا قارادنگیزینگ طبیغی گازینی اؤیلره برمأگه باشلاریس" دیدی.

آدانا و جیزره ده تاپیلان تأزه قوُرلار بیلن نبیت اؤنۆمینی یوُقارلاداندیقلارینی دا سؤزلرینه قوُشان أردوُغان،

"مرسین ده آق قویی اتمی مرکزی نینگ قورلوشیق ایشلری ایزی گیدرلی یاغدایدا دوُوام ادیأر. شو ییلینگ ایچرسینده اتمی مرکزیمیزینگ بیرینجی دِسگاسی بیلن الکتریک اؤندۆرمأگه باشلاریس" دیدی.

 



دِگیشلی حابارلار