أردوُغان ینگ سوئددأکی واقالار بیلن باغلانشیقلی سؤزلری بۆتین دۆنیأده یانگلاندی

تۆرکیأنینگ جمهورباشلیغی رجب طیب أردوُغان، دانمارکلی آشاساغچی سیاساتچی راسموس پالودان ینگ قرآن کریم یاقماغیندان سوُنگرا سوئدینگ دؤولتینه و دوُلانشیغینا آیدان سؤزلری دۆنیأدأکی کؤپ سانلی مدیانینگ اۆنسۆنی چکدی.

سوئدینگ آفتون بلادت قازتی اردوُغان ینگ سؤزلرینی بیرینجی صاحیپادا چاپ اتدی.

قازت بو حاباریندا استکهلم بیلیم یوردونینگ تۆرکیه انستیتوسی نینگ باشلیغی دکتر پائول لوی نینگ "قرآن کریم-ه ادیلن هۆجۆم صابیرلاری یوُق اتدی" سؤزلرینی ده چاپ اتدی.

سونسکا داگبلادت قازتی ده سوئدینگ ناتو قوراماسینا یۆز توتماغی نینگ قوُلدانماجاقدیغینی بیلدیردی و فنلاندینگ سوئددن آیراتین یاغدایدا ناتو قوراماسینا گیریپ بیلجکدیگینی یازدی.

انگلستان ینگ بی بی سی، فرانسیانینگ کوئست فرانس و قطرینگ الجزیره کانالی أردوُغان ینگ سوئده دویدوریش برندیگینه اۆنس چکدی.

آمریکانینگ واشنگتن پست قازتی ده أردوغان ینگ سؤزلرینه "پالودان ینگ ادن ایشینه روغصات برمه‌گینگ نتیجه لری" دییپ یر بردی.

پالودان ینگ قرآن کریم-ه ادن حوُرماتسیزلیغیندان سوُنگرا تۆرکیأنینگ جمهورباشلیغی رجب طیب أردوُغان سوئدینگ دوُلانشیغینا قارشیلیق گؤرکِزیپدی و شیله بیانات بریپدی:

"بیزدن ناتو حاقیندا هیچ حیللی قوُلداو گؤرمه‌جکدیرسینگیز. یوردومیزینگ ایلچیحاناسی نینگ اؤنگۆنده شیله بیر اوتانچ یاغدایینگ بوُلماغینا سبأپ بوُلانلار ناتو قوراماسینا آغضالیق اۆچینایندی بیزدن هیچ حیللی یاغدایدا یاغشیلیغا قاراشماسین. بو آچ آچان‌دیر"