أردوُغان: سوئد ترور قوراماسی نینگ اؤنگۆنه گچمه‌سه قاتناشیقلاریمیز اؤرأن پِسِه‌لیپ بیلر

تۆرکیأنینگ جمهورباشلیغی رجب طیب أردوُغان موغلا ولایاتیندا یاشلار بیلن دوشوشیق گچیردی.

تۆرکیأنینگ یوُلباشچیسی سوُنگقی گۆنلرده سوئدینگ پایتاغتی استکهلم دا پ. ک. ک ترور قوراماسی نینگ تاراپیندان گچیریلن قاراپروپاگاندا یؤریشینه اۆنس چکدی و "سوئد پ. ک. ک ترور قوراماسی نینگ کۆشگۆردیجی ایشلری نینگ اؤنگۆنه گچمه‌سه بیزینگ سوئد بیلن قاتناشیقلاریمیز شو واغتقیسیندان دا پِسِه‌لیپ بیلر" دیدی.

أردوُغان؛ ترور قوراماسی پ. ک. ک نینگ دینگه سوئد و فنلانددا دأل، ایسه‌م آلمانیا، فرانسیا و انگلستان یالی یورتلاردا دا اؤزونی گؤرکِزیأندیگینی یاتلاتدی.

تۆرک یوُلباشچی تۆرکیأنینگ گلوبال سیاساتداقی یرینه و اوُرنونا اۆنس چکدی و روسیا- اوکراینا واقاسیندا تۆرکیأنینگ یری نینگ گؤرۆلندیگینی بیلدیردی.

أردوُغان قارادنگیز غاللا کریدوری بیلن تۆرکیأنینگ گلوبال غاللا قینچیلیغینی چؤزگۆنده قوُوشوراندیغینی بیلدیردی و ایندی بوُلسا ماقصاتلاری نینگ "بوغدایی اونا اؤوۆریپ یوُقسول- مأتأچ آفریقا یورتلارینا ایبرمه‌ک" بوُلاندیغینی آیتدی.