مصطفی شن توُپ دمیرقازیق مقدونیه ده

تۆرکیأنینگ بیک میللت مجلیسی نینگ باشلیغی مصطفی شن توُپ رسمی دوشوشیقلار گچیرمه‌ک اۆچین دمیرقازیق مقدونیه ده ساپاردا بوُلدی.

شن توُپ اسکوپیه حالقارا قوُنالغاسیندا دمیرقازیق مقدونیه مجلیسی نینگ باشلیغی نینگ اوُرونباساری حسنی اسماعیلی و تۆرکیأنینگ اسکوپیه دأکی ایلچیسی حسن محمت سکیزکؤک تاراپیندان قارشیلاندی.

شن توُپ ایکی گۆن دوُوام اتجک اسکوپیه ساپاریندا ایلکی بیلن دمیرقازیق مقدونیأنینگ پارلمانی نینگ باشلیغی طلعت جغفری بیلن دوشوشدی.

شن توُپ دمیرقازیق مقدونیأنینگ باش وزیری دیمیتار کوواچوسکی بیلن ده دوشوشار.

تۆرکیأنینگ بیک میللت مجلیسی نینگ باشلیغی، دمیرقازیق مقدونیه ده تۆرکچه بایرامی حؤکمۆندأکی "تۆرکچه ساپاق گۆنی" دابارالارینا دا قاتناشار.

حالقارا معارف اوُقووجایی نینگ اۆسکۆپیه دأکی جایی نینگ رسمی آچیلیش داباراسینا قاتناشجاق بوُلان شن توُپ حالقارا بالکان بیلیم یوردو و قیزلارینگ قالیان کمپلکسینه باریپ اوُقووچیلار بیلن ده دوشوشار.