أردوُغان: تۆرکیه داشاساتوو پوداغیندا هر آی رکورد قوُییار

تۆرکیأنینگ جمهورباشلیغی تۆرکیأنینگ داشاساتوو موقداری نینگ هر آی رکورد قوُیوپ 300 میلیارد دلارا قوُلایلاندیغینینی آیتدی

1916291
أردوُغان: تۆرکیه داشاساتوو پوداغیندا هر آی رکورد قوُییار

تۆرکیأنینگ جمهورباشلیغی رجب طیب أردوُغان تۆرکیأنینگ داشاساتوو موقداری نینگ هر آی رکورد قوُیوپ 300 میلیارد دلارا قوُلایلاندیغینینی آیتدی.

أردوُغان تۆرکیه 2023 ماصلاحاتی و پول گِپله‌شیکلرینه ویدئویازغی بیلن بیانات بردی.

تۆرک یوُلباشچی دۆنیأنینگ سوُنگقی 3 ییلدان بأری یوُقانچ کِسِل، چاقنیشیقلار و بؤلگه آرا دارتغینلیقلار بیلن قاریشیق یاغدای آلاندیغینی آیتدی.

سوُنگقی ییللاردا قیممات باهاسی اؤرأن یوُقارلان انرژی، ایمیت و قوُر ماددالار و شونونگ بیلن تورم نیرخی نینگ یوُقارلاماغی نینگ بۆتین ایقدیصادیه‌تلری قین یاغدایا دۆشۆرندیگینی آیدان أردوُغان بو دارتغینلی دؤوۆرده تۆرکیأنینگ باشغا یورتلارا گؤرأ راحات‌راق بیر دؤوۆردن گچیأندیگینی آیتدی.

داشاساتوو موقداری نینگ هر آی رکورد قوُیوپ 300 میلیارد دلارا قوُلایلاندیغینی آیدان أردوُغان،

"ادن تدبیر و چأره لریمیز بیلن ان شاءالله اؤنگۆمیزدأکی ییل باشیندان تورم نیرخینی آزالداریس" دیدی.

2023-نجی ییلینگ ایقدیصادیه ت و انرژی پوداغیندا بوُلشی یالی قوُرانماق صناغاتیندا دا کؤپ سانلی تأزه لیگه شایاتلیق اتجکدیگینی آیدان تۆرک یوُلباشچی،

"تۆرکیأنینگ عاصری گؤزیتیمی بۆتین پوداقلاردا یوُلا قوُیولیانچا دورمانی گؤره‌شیمیزه دوُوام ادریس" دیدی.



دِگیشلی حابارلار