تۆرکیه دۆنیأده اینگ گینگ گِریملی اوچار آغینا ایه‌دیر

تۆرکیه، یوُلاغچی هوُواچیلیق پوداغیندا دۆنیأنینگ اینگ کؤپ یرینه اوچار اوغرادیان یورت بوُلدی

1916057
تۆرکیه دۆنیأده اینگ گینگ گِریملی اوچار آغینا ایه‌دیر

 

تۆرکیه، یوُلاغچی هوُواچیلیق پوداغیندا دۆنیأنینگ اینگ کؤپ یرینه اوچار اوغرادیان یورت بوُلدی.

تۆرکیأنینگ قاتناو و اساسی قورلوشیقلار وزیری عادل قارااسماعیل اوُغلی، 7-نجی دکابر سیویل هوُواچیلیق گۆنی میناسیبتلی آناتولی آژانسینا بیانات بردی.

دۆنیأنینگ ترانزیت مرکزینه اؤورۆلیپ بیلجک پتانسیله ایه بوُلان تۆرکیه ده 20 ییلدان بأری هوُواچیلیق سیاساتلارینی تأثیرلی، ایشجنگ و قادالی مایاقوُیوملار بیلن آلیپ باریاندیغینی و اوراسیادا یوُلباشچی بوُلاندیغینی نیغتان قارااسماعیل اوُغلی،

"2003-نجی ییلدا تۆرکیه دن 50 یورتداقی 60 یره اوچولیاردی. ایلالاشیقلار و گپله شیکلر بیلن بو سانا 282 تأزه یری قوُشدوق. ایندی 130 یورتدا 342 قوُنالغا اوچیاریس. بیز تۆرکیأنی سیول هوُواچیلیق پوداغیندا دۆنیأنینگ اینگ گینگ گریملی اوچوش آغینا ایه یوردا اؤوۆردیک" دیدی.

تۆرک وزیر، تۆرکیه دأکی قوُنالغا سانی نینگ 26-دان 57 سانینا یتیرندیکلرینی و اوچار سانینی دا 162-دن 265 گؤتریم بیلن 592 سانینا یتیرندیکلرینی بیلدیردی.

عادل قارااسماعیل اوُغلی نوُیابر آییندا اوچار ترافیگی نینگ 16.2 گؤتریم بیلن 147 مۆنگ 937 سانینا و ترانزیت یوُلاغچی سانی نینگ دا 43.4 گؤتریم یوُقارلاپ 169 میلیون 450 مۆنگ سانینا یتندیگینی حابار بردی.

قارااسماعیل اوُغلی دۆنیأدأکی هوُواچیلیق پوداغی نینگ کووید کسلیندن اینگ کؤپ یاراماز تأثیر آلان پوداق بوُلاندیغینی اِمما تۆرکیأنینگ بو تأثیردن اینگ چالت حالاص بوُلان یورت بوُلاندیغینی سؤزلرینه قوُشدی.

 



دِگیشلی حابارلار