تۆرکیه ترورچیلاری تأثیرسیز یاغدایا گتیرمأگه دوُوام ادیأر

آیرالیقچی ترور قوراماسی پ. ک. ک/ ی. پ. گ نینگ تل تمر ایالتی نینگ توُسلماما جوُغاپکأری کمال پیر، تۆرکیأنینگ میللی حابار آلما تشکیلاتی نینگ (میت) حرکتی بیلن تأثیرسیز یاغدایا گتیریلدی.

بو ترورچی نینگ راکت پوداغیندا بجِرمِن بوُلاندیغی و باش بوُزارلیقلارا قاتناشاندیغی حابار بریلدی.

ترورچی نینگ سوریه دأکی تۆرک قشونی تاراپیندان دوُوام اتدیریلیأن پاراحاتچیلیق چشمه سی حرکت بؤلگه سینده ده سابوتاژ ایشلرینه قاریشاندیغی بیلدیریلدی.

ایلکی بیلن میت تاراپیندان ایزارلانان بو ترورچی سوریه دأکی حرکت بیلن تأثیرسیز یاغدایا گتیریلدی.

بیله کی تاراپدان شیرناق ولایاتی نینگ ژاندارماسی نینگ حرکتی بیلن پ. ک. ک/ ی. پ. گ نینگ جانفدا کد آدی بیلن تانالیان آزاد اؤنگۆچ آدلی ترورچیسی تۆرکیأ گیرمأگه سینانشیان ماحالی بیر کامیون ینگ ایچینده تاپیلدی.

بو ترورچی 2018-نجی ییلدا سیرت ولایاتیندا یوُلا مین دوزاقلاپدی.

شوُل ادیلن هۆجۆمده بیر ژاندارما و 6 قوُراغچی شهیت بوُلوپدی و 12 پرسنل ده یارالانیپدی.