چاووش اوُغلی گۆن باتار یورتلارینگ ترورچیلارا بریأن قوُلداوینی یازغاردی

تۆرکیأنینگ داشاری ایشلر وزیری مولود چاووش اوُغلی ترور قورامالارینا یاراغ و ساپاق برن گۆن باتار یورتلارینا قارشیلیق گؤرکِزدی و "ترورچیلاری صاپلاماغا دوُوام ادریس. هیچ بیر زات بیزی بو ماقصاتدان آلماز. تۆرکیأنینگ عاصری باشلادی، موندان ایزا قایدیش یوُق" دیدی.

چاووش اوُغلی، 13-نجی نوُیابردا ایستامبول داقی استقلال کؤچه سینده 6 آدامینگ آرادان چیقماغینا، 81 آدامینگ یارالانماغینا سبأپ بوُلان ترورچیلیقی هۆجۆمینگ بوُلان یرینه گلدی و آرادان چیقانلارینگ یادینا گۆل قوُیدی.

سوُنگرا مطبوغاتا بیانات برن چاووش اوُغلی، حوُوپسوزلیق گۆیچلری نینگ هۆجۆمچینی، بمبانی قوُیانی و آرقاسینداقی ترورچیلاری چالت یاغدایدا آنیقلاپ هۆجۆمچی و بیله کیلری توسساغ ادندیگینی یاتلاتدی.

قاضیه ت ایشلری نینگ باشلاندیغینی آیدان چاووش اوُغلی "مونونگ حاسابی حؤکمأن سوُرالجاقدیر. بیله کی تاراپدان داشاری یورتدا و تۆرکیه ده واقا بیلن باغلانشیقلی ایشلریمیز دوُوام ادیأر" دیدی.

ترورچیلیق قورامالارینا یاراغ و ساپاق برن گۆن باتار یورتلارینی یازغاران تۆرک وزیر "اوُلار ترور قورامالارینی قوُلداماغا، یاراغ و ساپاق برمأگه دوُوام اتسینلر. بیز اوُلارینگ ینگسه سینه چیقماغا دوُوام ادریس. ترورچیلاری صاپلاماغا دوُوام ادریس. هیچ زات بیزی یاداتماز. تۆرکیأنینگ عاصری باشلادی" دیدی.

چاووش اوُغلی "سوریه ده بوُلسون، عیراق دا بوُلسون ترورچیلاری آولاماغا دوُوام ادریأریس. یؤریته حرکتلریمیز بیلن، حابار آلما تشکیلاتیمیز، ژاندارمامیز، پلیسیمیز و عسگریمیزینگ پ. ک. ک/ ی. پ. گ قارشی حرکتلری دوُوام ادیأر. شوُل بیر واغتدا داعش توُپارینا قارشی دا حرکتلریمیز دوُوام ادیأر" دیدی.