ایستامبول داقی پارتلامانینگ ترورچیسی پ. ک. ک/ پ. ی. د ترور قوراماسینا دگیشلی

ایستامبول داقی استقلال کؤچه سینده بمبالی هۆجۆم قوران ترورچی، آیرالیقچی ترور قوراماسی پ. ک. ک/ پ. ی. د/ ی. پ. گ بیلن باغلانشیقلی بوُلاندیغینی اعتراف اتدی.

پلیس گۆیچلری، 6 آدامینگ اؤلمه گینه و 81 آدامینگ یارالانماغینا سبأپ بوُلان ترورچیلیقلی هۆجۆم بیلن باغلانشیقلی گینگ گِریملی درنگو ایشینه باشلاتدی.

بمبانی استقلال کؤچه سینده قوُیان ترورچی زنانا توسساغ ادیلدی.

ترورچی نینگ آراباغلانشیغی بوُلان 21 یرده 46 آدام توسساغ ادیلدی.

توسساغلیلار بارلاغا چکیلدی و سوریه رایاتی بوُلان ترورچی زنانا احلام البشیر توسساغ ادیلدی.

توسساغ ادیلن ترورچی پ. ک. ک/ پ. ی. د/ ی. پ. گ ترور قوراماسی نینگ سوریه دأکی عین العرب (کوبانی) مرکزیندن ایستامبول دا ترورچیلیقلی حرکت باشلاتماق اۆچین گؤرکِزمه آلاندیغینی آیتدی.

زنانا ترورچی نینگ پ. ک. ک/ پ. ی. د/ ی. پ. / ترور قوراماسیندان یؤریته گیزلین حابار آلما پرسنلی حؤکمۆنده ساپاق آلاندیغی و عفرین- ادلب اۆستی بیلن تۆرکیأ ایبریلندیگی مألیم ادیلدی.

ترورچا، ترور قوراماسی نینگ کوبانی داقی مرکزیندن ایستامبول دا بمبا قوُیماغی ایسله نِندیگی حابار بریلدی.

تۆرکیأنینگ حوُوپسوزلیق گۆیچلری نینگ کریمینال اداراسی بو ترورچیلیقلی هۆجۆمده اولانیلان پارتلامانینگ تی ان تی بوُلاندیغینی بیلدیردی.

واقا بیلن باغلانشیقلی درنگِو ایشینه دوُوام ادیلیأر.