خلوصی آقار: آذربایجان بیلن ارمنیستان ینگ قاتناشیق قورماغینی قوُلدایاریس

تۆرکیأنینگ میللی قوُرانماق وزیری خلوصی آقار "بیز آذربایجان بیلن ارمنیستان ینگ آراقاتناشیغی نینگ عاداتی (نُرمال) یاغدایا گلمه‌گی اۆچین هر حیللی قوُلداوی بریأریس. اِمما چؤزگۆتسیزلیکلری یوُقارلادان بیرنأچه یاغدای دا بار. بو یاغدایلارا قارشی بوُلاندیغیمیزی ده هممه لرینگ بیلمه‌گی گره‌کلی‌دیر" دیدی.

خلوصی آقار آنکارادا "آذربایجان ینگ ینگیش گۆنی" آدلی دابارادا تۆرکیأنینگ آذربایجان اۆچین، آذربایجان ینگ دا تۆرکیه اۆچین اؤرأن قیمماتلی و أهمیتلی بوُلاندیغینی نیغتادی و "آذربایجان ینگ بیزینگ یۆره‌گیمیزدأکی یری باشغادیر. بیز دوُستلوقدان اؤرأن یوُقاردا، ایشلریمیزی دوُغانلیق یاغداییندا آلیپ باریاریس" دیدی.

ارمنیستان ینگ 30 ییل اوُزال آذربایجان ینگ توُپراغی نینگ 20 گؤتریمینی اشغال ادندیگینی و 1 میلیوندان کؤپ آذربایجانلی تۆرک ینگ گؤچمه گینه سبأپ بوُلاندیغینی و حوُجالی دا قیرغینچیلیق ادندیگینی یالادان تۆرک وزیر "آذربایجانلی دوُغانلاریمیز ایندی یتر دییپ آیاغا قالدی و اؤز توُپراقلارینی ایزینا قایتارماق اۆچین ایشه گیریشدی. آذربایجان ینگ قاهریمان قشونی 44 گۆنلۆک واطان ساواشیندا اشغال آستینداقی اؤز توُپراقلارینی ایزینا آلدی. آذربایجان، تۆرک ینگ گۆیجۆنی بۆتین دۆنیأ گؤرکِزدی" دیدی.

آذربایجان ینگ ینگیشینی قوتلاماق اۆچین گچیریلن دابارا آذربایجان ینگ جمهورباشلیغی نینگ کؤمِکچیسی حکمت حاجی یف، تۆرکیأنینگ قشون باشلیغی ژنرال یاشار گۆلر، قوری یر گۆیچلری نینگ باش توتانی ژنرال موسی آو سؤیر، دنگیز گۆیچلری نینگ باشلیغی ارجمنت تاتلی اوُغلی، هوُوا گۆیچلری نینگ باشلیغی ژنرال آتیلا گۆلان و قوُرانماق وزیری نینگ اوُرونباساری محسن دره ده قاتناشدی.