أردوُغان بیرلشن میللتلر اۆچین رفرم ایسله‌گینی قایتالادی

تۆرکیأنینگ جمهورباشلیغی رجب طیب أردوُغان بیرلشن میللتلر قوراماسی نینگ حوُوپسوزلیق گنگه شینده رفرم ایسله‌گینی قایتالادی.

أردوُغان 24-نجی اکتبر بیرلشن میللتلر قوراماسی نینگ گۆنی و بو قورامانینگ قورلوشی‌نینگ 77-نجی ییللیغی میناسیبتلی چاغیریش بردی.

أردوُغان تۆرکیأنینگ پاراحاتچیلیق و حوُوپسوزلیق، انسان حاقلاری و اۆزنۆکسیز قالقینیش پوداقلاریندا بیرلشن میللتلر قوراماسیندا دوُوام ادیأن ایشلره اینگ کؤپ قوُشانت قوُشان و اؤنگ آیاق بوُلان یورتلاردان بیری بوُلاندیغینی بیلدیردی.

بیرلشن میللتلر قوراماسی نینگ بودجه سینه اینگ کؤپ کؤمِک بریأن 20 یوردونگ آراسیندا بوُلماق بیلن بیله لیکده ایستامبول شهرینی بیرلشن میللتلر قوراماسی نینگ مرکزی یاغدایینا گتیرمه ک اۆچین آلیپ باریلان ایشلر اۆچین شوُل قورامانینگ دۆرلی اداراسی و آژانسی بیلن ایشله شیأندیکلرینی نیغتان أردوُغان،

"بیرلشن میللتلر قوراماسی نینگ باشلیغی حوُرماتلی آنتونیو گوترش بیلن حیذماتداشلیق ایچرسینده آلیپ باران ایشلریمیز و تاغاللالاریمیزینگ نتیجه سینده اوکراینانینگ غاللاسی نینگ قارادنگیز اۆستی بیلن بۆتین دۆنیأ یتیریلمه گینه یوُلباشچیلیق اتدیک. ایستامبول ایلالاشیغی بیلن شو واغتا چنلی 8 میلیون تن دان کؤپ غاللا ایبریلدی. بو کریدورینگ ایشینه دوُوام اتمه گی اۆچین دیپلماتیک دوشوشیقلارا دوُوام ادیأریس" دیدی.

تۆرک یوُلباشچی گلوبال پاراحاتچیلیق و دورنوقلیلیغینگ تهدیدی بوُلان اسلاما دوشمانچیلیق و مدنی اتنیک پارازلیقلارا قارشی دویغونلیق اۆچین تاغاللا ادیأندیکلرینی و 15-نجی مارت ینگ بیرلشن میللتلر تاراپیندان حالقارا اسلاموفوبی بیلن گؤره‌ش گۆنی ایغلان ادیلمه گینه ده یوُلباشچیلیق ادیپ بو مسئله حاقیندا دا أدیم أدندیکلرینی آیتدی.