تۆرکیه بیلن لیبی انرژی پوداغیندا بیله لیکده ایشله‌شِر

تۆرکیأنینگ داشاری ایشلر وزیری مولود چاووش اوُغلی تۆرکیه بیلن لیبی ینگ آراسینداقی هیدروکربن پوداغینداقی حیذماتداشلیق حاقیندا ایلالاشاندیقلارینی آیتدی.

تۆرکیأنینگ داشاری ایشلر وزیری مولود چاووش اوُغلی، انرژی و طبیغی سریشده لر وزیری فاتیح دؤنمِز، میللی قوُرانماق وزیری خلوصی آقار، سوؤدا و تیجارت وزیری محمت موش، جمهورباشلیقلیغینگ آراقاتناشیق اداراسی نینگ باشلیغی فخرالدین آلتون و جمهورباشلیقلیغینگ مطبوغات گنگه شچیسی ابراهیم قالین گۆنۆبیرلیک ساپار بیلن لیبی نینگ پایتاغتی طرابلس دا بوُلدی.

تۆرک سیاسی توُپاری لیبی ده دۆرلی ایشدشلری بیلن دوشوشیق گچیردی.

دوشوشیقدان سوُنگرا ماغلومات برن تۆرکیأنینگ داشاری ایشلر وزیری مولود چاووش اوُغلی لیبی نینگ أهمیتینه اۆنس چکدی و تۆرکیأنینگ قین یاغدایلاردا لیبی نینگ و لیبی نینگ حالقی نینگ یانیندا دوریاندیغینی سؤزلرینه قوُشدی.

"ایکی قاراشسیز دؤولتینگ قوُل چکن ایلالاشیغینا اۆچۆنجی یوردونگ پأسگِل برمأگه حاقی یوُقدیر" دیه ن تۆرک وزیر ایکی یوردونگ انرژی پوداغیندا بیله لیکده ایشله‌شجکدیگینی بیلدیردی.