ایکی آی‌دا غاللا کریدوریندان 5.4 میلیون تن غاللا گچیریلدی

تۆرکیأنینگ تاغاللاسی بیلن اوکراینانینگ غاللاسی نینگ دۆنیأ یورتلارینا ایبریلمه گی اۆچین آچیلان غاللا کریدوریندان 2 آیدا 5 میلیون 365 مۆنگ تن غاللا گچیریلدی.

تۆرکیأنینگ ایزی گیدرلی دیپلماتیک تاغاللاسی بیلن، ایول آییندا بیرلشن میللتلر قوراماسی نینگ قاتناشماغیندا ایستامبول دا غاللا کریدوری نینگ آچیلماغی اۆچین "اوُرتاق حیذماتداشلیق مرکزی" آچیلیپدی.

تۆرکیأنینگ میللی قوُرانماق وزیرلیگی خلوصی آقارینگ دوشوشیقلاری نتیجه سینده آچیلان بو کریدوردان ایلکینجی غاللا گأمیسی 1-نجی آگوست دا اودسا شهریندن تۆرکیأ تاراپ گلیپدی.

دۆین بو کریدوردان گچن گأمیلرینگ سانی 235 سانینا یتدی.

غاللا کریدوریندان بوغدای، جوون و آرپا یالی اؤنۆملر گچیریلیأر.

اوکراینادان چیقان غاللا گأمیلری ایستامبول دا کنترل ادیلندن سوُنگ یوُلونا دوُوام ادیأر.

غاللا کریدوری نینگ یوُلا قوُیولماغیندان سوُنگرا گلوبال اؤلچِکده غاللا و ایمیتلرینگ قیممات باهاسی آشاقلاماغا باشلاپدی.