أردوُغان تۆرکیه دأکی اینگ اولی یاشاییش یری پروژهسینی تانیتدی
أردوُغان: "یوردومیزینگ هر یرینده یۆزمۆنگلرچه تأزه یاشاییش و ایش یرینی سالماغا باشلایاریس"
تۆرکیأنینگ جمهورباشلیغی رجب طیب أردوُغان پایتاغت آنکاراداقی بأشدپه میللت کنگره و مدنیت مرکزینده تۆرکیأنینگ جمهوریت تاریحی نینگ اینگ اولی یاشاییش یری تاسلاماسینی تاناتدی.
أردوُغان سؤزلأن بیاناتیندا، "یوردومیزینگ هر یرینده یۆزمۆنگلرچه تأزه یاشاییش یرینی، قورلوشیق و ایش یرینی سالماغا باشلایاریس" دیدی.
أردوُغان تۆرکیأنی هر پوداقدا بوُلشی یالی اؤی و یاشاییش یرینده ده عاصیرلیق حیذماتلار، اثرلر و پروژه لر بیلن دوشوشدیرجاقدیغینی آیتدی.
"یوردومیزینگ دؤورۆنگ بۆتین أتیأچلرینی اۆپجۆن ادن اولی کِسِلحانالار، اوُن مۆنگلرچه ایشیری، مۆنگلرچه ادارا، اوروپانینگ استاندارتلاری نینگ اۆستۆنده بوُلان استادیوملار، هر قاتلاقدان یورتداشلاریمیز اۆچین یۆزلرچه سوسیال و مدنی قورلوشیق سالدیق" دیه ن أردوُغان،
"ماقصادیمیز ایلکینجی تاپغیردا اؤیلری اینگ گیچ 2 ییلدا قوتاریپ ایه لرینه قوُوشورماقدیر. بو کمپین سانی و حیلی تایدان دۆنیأدأکی اینگ اولی یاشاییش یری پروژه سیدیر" دیدی.
تۆرکیأنینگ جمهورباشلیغی، سوسیال یاشاییش یری پروژه سیندأکی اؤیلردن 50 مۆنگ سانیسی نینگ ایستامبول دا، 18 مۆنگ سانیسی نینگ آنکارادا و 12 مۆنگ 500 سانیسی نینگ ایزمیرده سالینجاقدیغینی حابار بردی.
دِگیشلی حابارلار
أردوُغان: فلسطینلیلرینگ دورنوقلی یاشاماغی اۆچین هر حیللی تاغاللا اتمأگه دوُوام ادریس
أردوُغان تۆرکیأنینگ غزه و فلسطین حالقینا قوُلداو برمأگه دوُوام اتجکدیگینی آیتدی