خلوصی آقار: یونان ینگ تِرس توتوملارینا همیشه جوُغاپ برریس

تۆرکیأنینگ میللی قوُرانماق وزیری خلوصی آقار یونان ینگ هۆجۆمچی و تِرس توتوم و سؤزلرینه جوُغاپ بریأندیکلرینی و همیشه جوُغاپ برجکدیکلرینی نیغتاپ "یونان ینگ بو کِلچیکلیگینه همیشه هر یرده حأکمأن جوُغاپ بردیک و جوُغاپ برمأگه دوُوام ادریس" دیدی.

آقار اسکی شهیرده گچیریلن "اوچوش ساپاق ییلی نینگ آچیلیش داباراسینا" قاتناشدی.

سؤزلرینده بؤلگه دأکی ریست، تهدیت و حوُوپلارا اۆنس چکیپ بولاری یاقیندان ایزارلایاندیقلارینی بیلدیرن آقار،

"اژه ده، گۆن دوُغار آق دنگیزده، قبرس دا حاق و بأحبیتلریمیزینگ قوُرالماغی اۆچین ادیلمه گی حؤکمأنی بوُلان هر زادی اتدیک و اتمأگه ده دوُوام ادریس" دیدی.

تۆرک جتلری نینگ 23-نجی آگوست دا گیریت آداسینداقی یونان ینگ روس اس- 300 هوُوا قوُراغ سیستمی تاراپیندان ایزارلانماغینی یاتلادان آقار شیله دوُوام اتدی:

"یوردومیز و میللتیمیزینگ حاق و بأحبیتلرینی شو گۆنه چنلی اینگ قوُوی یاغدایدا قوُرادیق و قوُراماغا دوُوام ادریس. یونان ینگ حالقارا حقوغی، قوُوی قوُنگشیچیلیق قاتناشیقلاری، دوُستلیغی هیچه ساییپ ادن بو ایشلری و سؤزلرینی یاقیندان ایزارلایاریس. ناتو و اۆچۆنجی یورتلار دا یونان ینگ ادنلرینی گؤرمه‌لیدیر. یونان مسئله سی حاقیندا بۆتین حیذماتداشلاریمیزا دویدوریش بردیک. اوُلارینگ حاقیقاتینگ تاراپیندان بوُلماغینی ایسله یأریس. یونان ینگ ادن ایشلری و بیلدیریأن توتومی دوُستلوغا و حیذماتداشلیغا تِرس، مونی اولارینگ دا بیلمه‌گینی ایسله یأریس" دیدی.

یونان ینگ 1919- 1922-نجی ییلارینگ آرالیغیندا بیرنأچه یوردونگ قوُلداوی بیلن آناتولی نی اشغال اتمأگه سینانشاندیغینی یاتلادان آقار، مونونگ نتیجه سینده ینگیلن یونان ینگ باش وزیرینی، وزیرلرینی و قشون باشلیغینی آساندیغینی یاتلاتدی.

تۆرکیأنینگ میللی قوُرانماق وزیری "یونان شوُل ایشلره منگزه ش ایشلری آلیپ بارماسین، تأزه دن اؤز باشینی بلا سوُقماسین، تأزه دن اولی بیر ضاربا آلماسین، نتیجه سی اؤرأن اربت ایشلره قاریشماسین، تاریح‌دان ساپاق آلسین. مونی یاتلاتماغا دا دوُوام ادریس. اژه دأکی، گۆن دوُغار آق دنگیز و قبرس داقی حاق و بأحبیتلریمیزی قوُراماق اۆچین بیز توتان یرلیدیرس و اؤز حاقیمیزی قوُراماق اۆچین ده گۆیچلیدیرس" دیدی.