تۆرکیأنینگ جمهورباشلیغی 30-نجی آگوست ینگیش بایرامینی قوتلادی
أردوُغان 2023-نجی ییلینگ اولی و گۆیچلی تۆرکیأنینگ قورولماغینی بوشلاماق ییلی بوُلجاقدیغینی آیتدی
تۆرکیأنینگ جمهورباشلیغی 30-نجی آگوست ینگیش بایرامینی قوتلادی.
اولی ینگیشینگ 100-نجی ییللیغی نینگ یتیپ گلمه گی نینگ بویسانجینی یاشایاندیغینی آیدان رجب طیب أردوُغان، میللتینگ، دمیرقازیق قبرس تۆرک جمهوریتیندأکی دوُغانلارینگ و دۆنیأنینگ دؤرت بیر یانیندا یاشایان بۆتین یورتداشلارینگ 30-نجی آگوست ینگیش بایرامینی قوتلادی.
تۆرک یوُلباشچی شیله بیانات بردی:
"30-نجی آگوست ینگ اسارت و ارکینلیگینگ آراسیندان بیرینی سایلاماغا مجبور بوُلان تۆرک میللتی نینگ نأمه لری باشاریپ بیلجکدیگینی و نأمه لردن ال چکیپ بیلجکدیگی نینگ اینگ اولی ثبوتی بوُلدی"
أردوُغان "2016-نجی ییلینگ 15-نجی ایولی نینگ گیجه سینده بوُلان واقالار، اولی هۆجۆمه ایلهام برن سارسیلماز ایغتیارینگ یۆرهکلرده هنیز ده یاشایاندیغینی ینه بیر گِزه ک گؤرکِزدی. تۆرکیه گچمیشیندن آلان گۆیجی بیلن، آیدینگلیق و بایلیقلی گلجگی قورماق یوُلوندا ایناملی أدیملر بیلن اؤنگه باریار" دییپ بیلدیردی.
"جمهوریتیمیزینگ 100-نجی یاشینی قوتلاجاق بوُلان ییلیمیز 2023 ییلیندا ان شاءالله اولی و گۆیچلی تۆرکیأنینگ قورولماغینی بوشلاجاغیمیز ییل بوُلار" دیه ن تۆرکیأنینگ جمهورباشلیغی، سؤزلرینده تۆرکیه جمهوریتی نینگ اساسلاندیریجی یوُلباشچیسی غازی مصطفی کمال آتاتۆرک بیلن یاراغداشلارینا دا حوُرمات گؤرکِزدی.
دِگیشلی حابارلار
أردوُغان: بیز تاپاووتلاریمیزا قارامازدان، 85 میلیونلیق بیر ماشغالادیرس
تۆرک یوُلباشچی سایلاوینگ دموکراسی نینگ گؤرکِزیجیسی بوُلاندیغینی آیتدی