فخرالدین آلتون: دیجیتال تروریسم میللی حوُوپسوزلیق مسئله‌سی‌دیر

تۆرکیأنینگ آراقاتناشیق اداراسی نینگ باشلیغی دیجیتال دۆنیأنینگ أهمیتینه اۆنس چکدی

1866184
فخرالدین آلتون: دیجیتال تروریسم میللی حوُوپسوزلیق مسئله‌سی‌دیر

 

تۆرکیأنینگ جمهورباشلیقلیغی نینگ آراقاتناشیق اداراسی نینگ باشلیغی فخرالدین آلتون دیجیتال دۆنیأده ایشله‌نیأن گۆنألر و بوُزغونچیلیقلارا قارشی چأره آلینمالیدیغینی آیتدی.

آلتون پایتاغت آنکارادا گچیرلن تأزه مدیا و دیجیتال ترورچیلیق ایشجنگ ماصلاحاتینا قاتناشدی.

دیجیتال دۆنیأده یایران یالان حابار و یالان ماغلوماتینگ اؤنگۆنه گچیلمه گی اۆچین چأره گؤرمه‌گینگ مجبوری بوُلاندیغینا اۆنس چکن آلتون، حالقارا بارلاغلارا گؤرأ دۆنیأده اینگ کؤپ دیجیتال بوُزغونچیلیغا سزه ور قالیان یوردونگ تۆرکیه بوُلاندیغینی بیلدیردی.

ترور قورامالاری نینگ دیجیتال دۆنیأده پروپاگاندا آلیپ باریاندیغینی یاتلادان آلتون،

"تۆرکیه پ. ک. ک/ ی. پ. گ و فت الله چی ترور قوراماسی (فتؤ) یالی ترور قورامالاری نینگ دینگه فیزیکی هۆجۆملری بیلن دأل، یالان ماغلوماتلارا اساسلانیان هۆجۆملری بیلن ده نیشان آلیندی و آلینیار. ترور قورامالاری نینگ حساپلاری سوسیال مدیا پلاتفرملاریندا ایزی گیدرلی یاغدایدا یوردومیزا قارشی یالان یالنگیش و بوُزغونچیلیقلی ماغلوماتلار یایرادیپ یرلی و داشاری یورتلی اولانیجیلارا یالنگیش ماغلومات برمأگه سینانشیار" دیدی.

تأزه مدیا و دیجیتال دۆنیأنینگ ترور قورامالاری نینگ سؤزلرینی چالت یاغدایدا یایرادیان یری بوُلاندیغینا اۆنس چکن فخرالدین آلتون،

"بۆتین یورتلار بو پوداقداقی تهدیتلر بیلن گؤره‌شمه‌ک اۆچین قانونی و قوراما اساسلی چأره لرینی گۆیچلندیریأر، بیز تۆرکیه حؤکمۆنده اوُلاردان ایزا قالیپ بیلمه‌ریس" دیدی.

آراقاتناشیق اداراسی نینگ باشلیغی "دیجیتال تروریسم بیر میللی حوُوپسوزلیق مسئله‌سی‌دیر، بو اونوتیلمالی دألدیر. هر دؤولت دیجیتال تهدیتلره قارشی گره‌کلی قوُراغ و چأره لری گؤرمه‌لیدیر" دیدی.



دِگیشلی حابارلار