چاووش اوُغلی: بیز عیراق‌دا و سوریه ده ترور قوراماسی بیلن اورشیاریس

یؤنه‌کی یورتداشلارا ادیلن هۆجۆمینگ ترور قوراماسی تاراپیندان قورالاندیغینی چاق ادیأریس

1857633
چاووش اوُغلی: بیز عیراق‌دا و سوریه ده ترور قوراماسی بیلن اورشیاریس

 

تۆرکیأنینگ داشاری ایشلر وزیری مولود چاووش اوُغلی دهوک دا بوسلان واقا بیلن باغلانشیقلی "تۆرکیأنینگ یاراغلی گۆیچلریندن آلان ماغلوماتلاریمیزا گؤرأ یؤنه‌کی یورتداشلارا هیچ حیلی هۆجۆمیمیز بوُلان دألدیر" دیدی.

ت. ر. ت حابار کانالی نینگ میهمانی بوُلان چاووش اوُغلی تۆرکیأنینگ هیچ هاچان یؤنه‌کی یورتداشلارا هۆجۆم قوراماندیغینا اۆنس چکدی و

"بیز حالقارا حقوغا لاییقلیقدا ترورچیلیق بیلن گؤره‌شیمیزه دوُوام ادیأریس. تۆرکیأنینگ یاراغلی گۆیچلریندن آلان ماغلوماتلاریمیزا گؤرأ یؤنه‌کی یورتداشلارا هیچ حیلی هۆجۆمیمیز بوُلان دألدیر. بیزینگ هدِپیمیز سوریه ده ترور قوراماسی بیلن گؤره‌ش بوُلاندیر. عیراق دا دا شو گۆنکی گۆنه چنلی همیشه ترور قورامالارینا قارشی اورشدیق" دیدی.

"ترور قورامالاری نینگ تاراپیندان ادیلندیگینی دۆشۆنیأنیمیز بو حیاناتچیلیقلی هۆجۆمدن سوُنگرا عیراغینگ رسمی ماقاملاری بیلن حیذماتداشلیق ادیپ بیلجکدیگیمیزی بیلدیردیک" دیه ن چاووش اوُغلی،

"ینه بیر گِزه ک بو یردن آیتماق ایسله یأرین. بو بولانچاقلیغینگ آراسیندا تۆرکیأنی گۆنأکأر گؤرکِزیلمه‌گی قابول اتمه یأریس. تۆرکیأ قارشی آیدیلان سؤزلری ده قابول اتمه یأریس" دیدی.

حوُوپسوزلیق چشمه لری زاهوداقی هۆجۆمینگ ترورچیلار تاراپیندان قورالاندیغینی بیلدیریپدی.

آیرالیقچی ترور قوراماسی پ. ک. ک/ ک. ج. ک گۆنأسیز یورتداشلاری نیشان آلماغا دوُوام ادیأر.

دمیرقازیق عیراق دا کؤپ سانلی اوُباچی و دایحان دا ترورچیلارینگ شوِل یرلردن چیقماغینی ایسله یأر.

 



دِگیشلی حابارلار