مولود چاووش اوُغلی فلسطین ده

چاووش اوُغلی فلسطین ده ایشدشی ریاض المالکی بیلن اؤزآرا دوشوشیق گچیردی

1831800
مولود چاووش اوُغلی فلسطین ده

 

تۆرکیأنینگ داشاری ایشلر وزیری مولود چاووش اوُغلی تۆرکیأنینگ قاراشسیز و اؤزایغتیارلی دؤولته ایه بوُلماق یوُلوندا فلسطینلی دوُغانلاری نینگ یانیندا بوُلماغا دوُوام اتجکدیگینی آیتدی.

چاووش اوُغلی فلسطین ده ایشدشی ریاض المالکی بیلن اؤزآرا دوشوشیق گچیردی.

تۆرک وزیر، اشغال آستینداقی گۆن باتار باندینگ رام الله شهرینده فلسطین ینگ داشاری ایشلر وزیرلیگینده مالکی بیلن اؤزآرا و توُپارآرا دوشوشیق گچیردی.

دوشوشیقدان سوُنگرا مطبوغات کنفرانسی گچیریلدی.

مطبوغات کنفرانسیندا بیانات برن مولود چاووش اوُغلی، فلسطینلیلرینگ دؤولت قورماغی و فلسطین ینگ ایقدیصادیه تینی گۆیچلندیرمه ک باراسیندا گپله شندیکلرینی آیتدی و 10 ایلالاشیق شرطناماسینا قوُل چکیشندیکلرینی بیلدیردی.

تۆرکیأنینگ فلسطین مسئله‌سینده گۆیچلی قوُلداوینا اۆنس چکن چاووش اوُغلی "قاراشسیز و اؤزایغتیارلی دؤولته ایه بوُلماق یوُلوندا فلسطینلی دوُغانلاریمیزینگ یانیندا بوُلماغا دوُوام ادریس" دیدی.

چاووش اوُغلی " فلسطین مسئله سینده قوُلداویمیز ایسرائیل بیلن قاتناشیقلاریمیزدان دوُلولیغینا قاراشسیزدیر" دیدی.

چاووش اوُغلی تۆرکیه دأکی بیلیم یورتلاریندا اوُقان فلسطینلیلر بیلن ده دوشوشیق گچیرر.

تۆرک وزرینگ فلسطین ینگ یوُلباشچیسی محمد عباس تاراپیندان دا قابول ادیلمه گینه قاراشیلیار.

 

 



دِگیشلی حابارلار