أردوُغان: ناتو گینِگِهلدیلجک بوُلسا تۆرکیأنینگ دویغورلیغینا اۆنس بریلمهلیدیر
"ناتونینگ یایراماغی بیزینگ اۆچین، أهمیت برن زاتلاریمیزا حوُرمات قوُیولماغینا باغلیدیر"
تۆرکیأنینگ جمهورباشلیغی رجب طیب أردوُغان، ترورچیلاری تۆرکیأ قایتارمایان یورتلارینگ ناتو قوراماسینا آغضا بوُلماغینی قابول اتمهجکدیکلرینه اۆنس چکدی و
"ناتونینگ یایراماغی بیزینگ اۆچین، أهمیت برن زاتلاریمیزا حوُرمات قوُیولماغینا باغلیدیر" دیدی.
تۆرکیأنینگ جمهورباشلیغی و عادالات و اؤسۆش حزبی نینگ باشلیغی، حزبی نینگ تۆرکیأنینگ بیک میللت مجلیسی نینگ توُپار ماصلاحاتیندا چیقیش اتدی.
ناتوداقی حیذماتداشلاریندان تۆرکیأنینگ اهمیت برن زاتلارینا أهمیت بریلمهگینی ایسلأن أردوُغان، بو مسئله ده تۆرکیأ قوُلداو بریلمهگینه قاراشیاندیقلارینی بیلدیردی و شیله دوُوام اتدی:
"تۆرکیأنینگ اؤز سرحتلرینی قوُراماغی باراسیندا ادن تاغاللالارینی دۆشۆنمهلرینی ایسله یأرین. سیز (فنلاند و سوئد) بیزه ترورچیلاری برمهجکسینگیز بیرده بیزدن ناتو قوراماسینا گیرمهک اۆچین قوُلداوا قاراشجاقسینگیز. آیرالیقچی ترور قوراماسی پ. ک. ک قوُلداو بریپ، آغضالیق اۆچین قوُلداو سوُراماق قاپماقارشیلیقدیر. بیزه ترورچیلاری قایتارمایان یورتلارینگ ناتو قوراماسینا آغضا بوُلماغینی قابول اتمهریس. ناتونینگ گینگِلمهگی أهمیت برن زاتلاریمیزا حوُرمات قوُیولماغی بیلن بیلهلیکده بوُلمالیدیر"
رجب طیب أردوُغان "دوشنبه گۆنی گلجک بوُلیارلارمیشین. اؤزلرینی یاداتماسینلار دیدیم. ترورچیلیق قورامالاری ایندی ده سوئده ده یؤرأپ یؤرلر" دیدی و "بیزینگ هیچ کیمینگ توُپراغیندا گؤزۆمیز یوُق. بیز حوُوپسوزلیغیمیزی تهدیت ادن ایشلرینگ چشمهسینی قوریتماق باراسیندا توتان یرلریدیرس" دییپ سؤزلرینه قوُشدی.
تۆرک یوُلباشچی "ناتوداقی اوُرتاقلاریمیز تۆرکیأنی هدِپ آلان ترور قورامالارینا یاراغ و اوُق- دأری ایبرمهدی می؟ ترور قورامالاری گۆیچلِهنسین دییپ شوُلارا یۆز میلیونلارچا یورو بریأرلر" دیدی.