الجزایر بیلن تۆرکیأنینگ یوُلباشچیلاری دوشوشیق گچیردی

الجزایر دموکراتیک حالق جمهوریتی نینگ جمهورباشلیغی عبدالمجید تبون تۆرکیأنینگ جمهورباشلیغی أردوُغان تاراپیندان رسمی دابارا بیلن قارشیلاندی.

دۆین آغشام تۆرکیأنینگ پایتاغتی آنکارا گلن تبون ایلکی بیلن تۆرکیه جمهوریتی نینگ اساسلاندیریجی یوُلباشچیسی آتاتۆرک ینگ قوُنامچیلیغینا باردی.

آنیت قابیردا گۆل دسسه سینی قوُیان تبون، یؤریته دپدره ده قوُل چکدی.

میهمان یوُلباشچی سوُنگ بوُلسا جمهورباشلیقلیق کمپلکسینه گچدی.

الجزایرینگ جمهورباشلیغی بو یرده تۆرکیأنینگ یوُلباشچیسی رجب طیب أردوُغان تاراپیندان رسمی دابارا بیلن قارشیلاندی.

قارشیلاما داباراسیندان سوُنگرا ایکی باش‌توتان اؤزآرا دوشوشیق گچیردی.

اؤزآرا دوشوشیقدان سوُنگ أردوُغان بیلن تبون، وزیرلرینگ قاتناشماغیندا گچیریلن تۆرکیه- الجزایر یوُقاری درجه لی استراتژیک حیذماتداشلیق گنگه شی نینگ 1-نجی ماصلاحاتینی گچیردی.

بو ماصلاحاتدا، تاریحی قاتناشیقلارا الیه بوُلان ایکی یوردونگ سیاسی قاتناشیقلاری نینگ یوُقارلادیلماغی باراسیندا گنگه شیلدی.

عبدالمجید تبون ارتیر ایستامبول شهرینده تۆرکیه- الجزایر ایش فوُرومینا قاتناشار.

بو فوروما تۆرکیأنینگ جمهورباشلیغی نینگ اوُرونباساری فواد اوکتای دا قاتناشار.