أردوُغان آمریکانینگ دمیرقازیق سوریه دأکی سیاساتینی تانقیت اتدی
أردوُغان ایستامبول دا ژورنالیستلارینگ گۆن ترتیبی نینگ ایلری توتولیان اوغورلاری باراسینداقی سوُراغلارینا جوُغاپ بردی
تۆرکیدنینگ جمهورباشلیغی رجب طیب أردوُغان آمریکانینگ سوریأنینگ دمیرقازیغینداقی آیرالیقچی ترور قوراماسی ی. پ. پ/ پ. ک. ک نینگ باسیپ آلان یرلرینه چأکلندیرمه‌لری یومشاتماغی باراسینداقی طایارلیغینی قابول اتمه‌گینگ مۆمکین بوُلماندیغینی آیتدی.
أردوُغان ایستامبول دا ژورنالیستلارینگ گۆن ترتیبی نینگ ایلری توتولیان اوغورلاری باراسینداقی سوُراغلارینا جوُغاپ بردی.
آمریکان دوُلانشیغی نینگ پ. ک. ک/ ی. پ. گ آیرالیقچی ترور قوراماسینا سوریه ده برن ینگیللیکلر حاقیندا،
"هممه زاتدان اوُزال ی. پ. گ بیر ترور قوراماسیدیر. پ. ک. ک نأمه بوُلسا ی. پ. گ-ده شوُدیر. شونونگ اۆچین آمریکانینگ بو یالنگیش ایشینی قابول اتمه ک مۆمکین دألدیر. آمریکادا سوُنگقی دؤوۆرلرده ایش باشینا گلن بۆتین دوُلانشیقلار پ. ک. ک ترور قوراماسینا یا دا سوریأنینگ دمیرقازیغینداقی بۆتین توُپارلارا مادی قوُلداو بردی. کامیونلار بیلن اولاغ- شای سِپ و اوُق- دأری ایبردی. بو مسئلأنی بۆتین آمریکالی دوُلانشیقلارا آیتماغیمیزا قارامازداناوُلار بیزه قولاق آسمادی و بو شیله ده دوُوام ادیأر" دیدی.
تۆرک یُولباشچی آمریکانینگ سوریه ده آیرالیقچی ترور قوراماسی ی. پ. گ/ پ. ک. ک نینگ باسیپ آلان یرلری نینگ اکرانچیلیق و قورلوشیق یالی پوداقلاردا چأکلندیرمه لردن داشغاری توتولماغی باراسینداقی طایارلیقلارینی دا برک یازغاردی و
"آمریکانینگ یالنگیشینی قابول اتمه گیمیز مۆمکین دألدیر" دیدی.
"عیراغینگ دمیرقازیغیندا نأمه ادن بوُلساق سوریأنینگ دمیرقازیغیندا دا شوُل بیر زادا دوُوام ادریس. بیزلره دوشمان بوُلانلار بیلن گؤره‌شمأگه توتان یرلی یاغدایدا دوُوام ادریس" دیه ن أردوُغان
"پنچه کیلیت حرکتینده دۆینه چنلی 82 ترورچی تأثیرسیز یاغدایا گتیریلدی. هوُوالارینگ قوُوی بوُلماغی یاغداییندا بو موقدار اؤرأن یوُقارلاجاقدیر. بو ترورچیلارا گؤز آچدیرماریس. مونی بۆتین بیزه دوُست یالی گؤرۆنیأن یورتلارا دا آیدیاریس. یالنگیش ایش آلیپ باریارسینگیز. دوُغری یوُلا گلینگ" دیدی.
