أردوُغان تلفن آرقالی مکرون بیلن دوشوشیق گچیردی
دوشوشیقدا تۆرکیه بیلن فرانسیانینگ قاتناشیقلارینی اؤسدۆرجک أدیملر و روسیا- اوکراینا ساواشی باشدا بوُلماق بیلن بؤلگه آرا مسئله لر حاقیندا گِپله‌شیلدی
تۆرکیأنینگ جمهورباشلیغی رجب طیب أردوُغان تلفن آرقالی فرانسیانینگ جمهورباشلیغی امانوئل مکرون بیلن دوشوشیق گچیردی.
دوشوشیقدا تۆرکیه بیلن فرانسیانینگ قاتناشیقلارینی اؤسدۆرجک أدیملر و روسیا- اوکراینا ساواشی باشدا بوُلماق بیلن بؤلگه آرا مسئله لر حاقیندا گِپله‌شیلدی.
أردوُغان بو دوشوشیقدا، یانگاداندان فرانسیانینگ جمهورباشلیغی حؤکمۆنده سایلانان امانوئل مکرونی قوتلادی و سایلاوینگ نتیجه‌سی نینگ فرانسیا اۆچین بأحبیتلی بوُلماغینی آرزو اتدی.
أردوُغان تۆرکیه- فرانسیا آراقاتناشیغی نینگ اوُرتاق قاره بوُلان اوروپانینگ گلوبال گۆیجی اۆچین اولی أهمیته ایه بوُلاندیغینی یاتلاتدی.
رجب طیب أردوُغان تۆرکیأنینگ اوکرایناداقی ساواشینگ دیپلماسی آرقالی دوروزیلماغی اۆچین الیندن گلن بۆتین تاغاللانی ادیأندیگینی نیغتادی و مذاکره اتابی نینگ قوُلدانماغی نینگ أهمیتینه اۆنس چکدی.
