أردوُغان: تۆرکیه همیشه فلسطین ینگ یانیندادیر

تۆرکیأنینگ جمهورباشلیغی رجب طیب أردوُغان فلسطین ینگ دؤولت یوُلباشچیسی محمود عباس بیلن تلفن آرقالی دوشوشیق گچیردی.

أردوُغان بو دوشوشیقدا ایسرائیل ینگ هۆجۆملرینی تانقیت اتدی و "تۆرکیه همیشه فلسطین ینگ یانیندادیر" دیدی.

تۆرکیأنینگ جمهورباشلیغی توییتر حاسابیندان، دوشوشیغی بارادا شیله یازدی: "قدس باشدا بوُلماق بیلن فلسطین ده بوُلیان یاغدایلار سبأپلی رمضان آیی قینانچلی گچیأر. ایسرائیل ینگ هۆجۆملرینده آرادان چیقان دوُغانلاریمیزا آلله دان رحمت آرزوو ادیپ یارالانانلارا شیپا دیله دیم. دوشوشیغیمیزدا ایسرائیل ینگ مسجدالأقصی دا عیبادات ادنلره قارشی گۆیچ اولانماغینی یازغاردیم."

تۆرکیأنینگ جمهورباشلیغی رجب طیب أردوُغان بیرلشن میللتلر قوراماسی نینگ باشلیغی آنتونیو گوترش بیلن ده تلفن آرقالی دوشوشیق گچیردی.

أردوُغان بو دوشوشیقدا قدس داقی یاغدایلار و اوکراینا- روسیا ساواشی باشدا بوُلماق بیلن بؤلگه آرا مسئله لر حاقیندا گپله‌شدی.

تۆرک یوُلباشچی ایسرائیل ینگ مسجدالأقصی ادن هۆجۆمی نینگ قابول ادیلیپ بوُلماجاقدیغینی بیلدیردی.