روسیا بیلن اوکراینانینگ داشاری ایشلر وزیرلری آنتالیادا دوشوشیق گچیرر

تۆرکیأنینگ داشاری ایشلر وزیری مولود چاووش اوُغلی 10-نجی مارت دا روسیا بیلن اوکراینانینگ داشاری ایشلر وزیرلری بیلن آنتالیانینگ دیپلماسی فوُرومیندا اۆچ تاراپلی دوشوشیق گچیرجکدیکلرینی آیتدی.

چاووش اوُغلی روسیانینگ داشاری ایشلر وزیری سرگی لاوروف بیلن اوکراینانینگ داشاری ایشلر وزیری دیمیترو کوله بانینگ پنج شنبه گۆنی آنتالیادا دوشوشجاقدیغینی حابار بردی.

تۆرک وزیر، ایکی تاراپ بیلن دوشوشیق گچیرندیگینی و ایکی وزیرینگ، چاووش اوُغلی نینگ اؤزۆنینگ ده بو دوشوشیغا قاتناشماغینی ایسلأندیگینی آیتدی.

مولود چاووش اوُغلی "بو ماصلاحاتینگ اساسان دا اؤورۆلشیک نقطه سینی عمله گتیرمه گینی آرزوو ادیأریس. پاراحاتچیلیق و دورنوقلیلیق اوغروندا ادیلن باشلانغیچ بوُلماغینی طاما ادیأریس" دیدی.