أردوُغان: تۆرکیه همیشه گۆیچلی و برک قالماغا مجبوردیر

تۆرکیأنینگ جمهورباشلیغی رجب طیب أردوُغان تۆرکیأنینگ سیاساتی، ایقدیصادیه‌تی، قشون گۆیجی و سوسیال قورلوشی بیلن گۆیچلی بوُلماق و برک قالماغا مجبور بوُلان بیر یورت بوُلاندیغینی آیتدی.

رجب طیب أردوُغان پایتاغت آنکارادا گچیریلن عادالات و اؤسۆش حزبی نینگ (پارتیاسی نینگ) چأره سینده چیقیش اتدی.

تۆرکیأنینگ سیاساتی، ایقدیصادیه‌تی، قشون گۆیجی و سوسیال قورلوشی بیلن گۆیچلی بوُلماق و برک قالماغا مجبور بوُلان بیر یورت بوُلاندیغینی نیغتان أردوُغان شیله دوُوام اتدی:

"داش- تؤوه‌رِگیمیزده بوُلوپ گچیأن زاتلارا، گۆن اوُرتامیزدان دمیرقازیغیمیزا، گۆن دوُغاریمیزدان گۆن باتارا، عاقیل و پایحاس گؤزیتیمیندن قارایان هر آدام بو حاقیقاتی گؤرِر و قابول ادر. بؤلگأمیزده (منطقه میزده)هیچ بیر واقا و یاغدایینگ هیچ بیر دارتغینلیغینگ تۆرکیه دن قاراشسیز بوُلماندیغی اینکأر ادیلیپ بوُلماجاق بیر حاقیقاتدیر. گچمیشده یوردومیزی گۆیچسیز سیاسی دوُلانشیقلارینگ سبأپ بوُلانی بوُشلوقلاردان پیدالانیپ ایسلأن یاغداییندا ایش آلیپ بارانلار، بیزینگ دؤورۆمیزده بو ایشی ادیپ بیلمه‌دیلر. ایلایتا دا جمهورباشلیقلیق حؤکۆمت سیستمی بیلن ایندی بو یوُل دوُلولیغینا یاپیلدی. اساسی قورلوشیقلاری، ایقدیصادیه تی و گۆیچسیز دؤولته ایه یورتلاری دۆرلی رنکلر بیلن توُسلاما آغدارلیشیقلار بیلن یر بیلن بیر ادنلر، اۆلکه سی و میللتی بیلن برکیدیلن تۆرکیه ده همیشه ضلل گؤردۆلر. مونگا قارامازدان ینه ده گؤزله‌گلرینه دوُوام ادیأرلر. حاقیقاتلار بِللی اِمما قینانساغام گۆیچ باشینا گلمه‌ک اۆچین میللی ایسله گینگ یرینه پروژه بیله له شیگی نینگ ایزیندا بوُلانلار بو قارانقکی سناریولارا اؤز ایسله‌کلری بیلن اوُیونچی بوُلیارلار"