چاووش اوُغلی: تۆرک بوُغازلاری ساواش گأمیلرینه یاپیلدی

چاووش اوُغلی مونترو بوُغازلار کنوانسیونی نینگ ایشه گیریزیلندیگی باراداقی سؤزلرینی قایتالادی

1787324
چاووش اوُغلی: تۆرک بوُغازلاری ساواش گأمیلرینه یاپیلدی

 

تۆرکیأنینگ داشاری ایشلر وزیری مولود چاووش اوُغلی "(قارادنگیزده) یاقاسی بوُلان و دنگیزیاقاسی بوُلمایان بۆتین یورتلارا ساواش گأمیلری نینگ (تۆرک بوُغازلاریندان) گچیریلمه گی نینگ قاداغان بوُلاندیغی بارادا دویدوریش بردیک" دیدی.

پایتاغت آنکارادا بیانات برن تۆرک وزیر، 1936-نجی ییلدا قوُل چکیلن مونترو بوُغازلار کنوانسیونی نینگ ایشه گیریزیلندیگی باراداقی سؤزلرینی قایتالادی.

مولود چاووش اوُغلی "تۆرکیه ساواشینگ بیر تاراپی بوُلماسا دا، ساواشان یورتلارینگ گأمیلری نینگ بوُغازدان گچیریلمه گینه روغصات برمأن بیلر. ساواش گأمیسی قارادنگیزدأکی مرکزینه اؤورۆلیأن بوُلسا مونونگ اؤنگۆنه گچیپ بوُلماز. بیز مونترو کنوانسیونینی ایشه گیریزدیک" دیدی.

چاووش اوُغلی قارادنگیزه یاقاسی بوُلان یورتلارا ایستامبول و چاناق قالا بوُغازلاریندان ساواش گأمیلرینی گچیرمه گی نینگ قاداغات بوُلاندیغی بارادا دویدوریش برندیکلرینی آیتدی و

"(روسیا بیلن اوکراینادان) شو واغتا چنلی بو بوُغازلاردان گچیش باراسیندا ایسله‌گ گِلمه‌دی" دیدی.

تۆرک وزیر موندان اوُزال آیدان سؤزلرینده، اوکراینادا 24-نجی فورال دا باشلایان روس عسگری حرکتی نینگ "حرکتدن ساواشا اؤورۆلِندیگینی" آیدیپدی.

چاووش اوُغلی آمریکالی ایشدشی آنتونی بلینکن بیلن تلفن آرقالی دوشوشیق دا گچیردی.

دوشوشیغینگ گۆن ترتیبینده اوکرایناداقی یاغدایلار باردی.

آمریکانینگ برن ماغلوماتینا گؤرأ بلینکن تۆرکیأنینگ مونترو کنوانسیونینی ایشه گیریزمه‌گی و چاووش اوُغلونینگ بو مسئله باراداقی سوُنگقی بیاناتینا بگنچ بیلدیردی.

آمریکانینگ داشاری ایشلر وزیرلیگی تاراپیندان بریلن ماغلوماتا گؤرأ "بلینکن تۆرکیأنینگ اوکراینانینگ قوُرالماغینا، قاراشسیزلیغینا و توُپراق بیتولیگینه برن گۆیچلی قوُلداوی اۆچین ساغ بوُلسون آیتدی"

 



دِگیشلی حابارلار