أردوُغان: اوکراینانینگ توُپراق بیتولیگینه قوُلداو بریأریس

"روسیانینگ اوکراینا یاراغلی هۆجۆم اتمه‌جکدیگینی و اشغال اتمه‌جکدیگینی اومیت ادیأرین"

1768899
أردوُغان: اوکراینانینگ توُپراق بیتولیگینه قوُلداو بریأریس

تۆرکیأنینگ جمهورباشلیغی رجب طیب أردوُغان "روسیانینگ اوکراینا یاراغلی هۆجۆم اتمه‌جکدیگینی و اشغال اتمه‌جکدیگینی اومیت ادیأرین" دیدی.

تۆرکیأنینگ جمهورباشلیغی خصوصی بیر تلویزیون کانالینا بیانات بردی.

أردوُغان روسیا- اوکراینا آراسینداقی دارتغینلیق باراسیندا،

"ایکی یوردونگ یوُلباشچیلاری ایسله‌سه‌لر یوردومیزدا دوشوشدیریپ، پاراجاتچیلیغینگ یانگاداندان دۆیبۆنینگ توتولماغینی اۆچین بیز طایار" دیدی.

"یوردومیز اوکراینانینگ توُپراق بیتولیگی و قاراشسیزلیغینا اینگ باشیندان بأری قوُلداو بردی. بو توتومیمیز اۆیتگِه‌مِز" دیه ن أردوُغان،

"روسیانینگ اوکراینا یاراغلی هۆجۆم اتمه‌جکدیگینی و اشغال اتمه‌جکدیگینی اومیت ادیأرین. شیله بیر یاغدای روسیا و بؤلگأمیز اۆچین عاقیلچیل بیر حرکت بوُلوپ بیلمه‌ز" دیدی.

گۆن دوُغار آق دنگیزده بوُلسا تۆرکیأنی حاسابا آلمایان هیچ بیر پروژأنینگ یوُلا قوُیولیپ بیلینمه جکدیگینه اۆنس چکن أردوُغا ایسرائیل بیلن تۆرکیأنینگ قاتناشیقلاری حاقیندا دا گۆررۆنگ بردی.

ایسرائیللی ایشدشی اسحاق هرتزوگ ینگ فورال آیی نینگ باشیندا تۆرکیأ ساپار قوراپ بیلجکدگینی آیدان تۆرکیأنینگ جمهورباشلیغی "بو ساپار بیلن بیله لیکده تۆرکیه- ایسرائیل قاتناشیقلاریندا تأزه بیر دؤوۆر باشلاپ بیلر" دیدی.

 

 



دِگیشلی حابارلار