أردوُغان آفریقانینگ یاش اوُغلان قیزلاری بیلن دوشوشدی

تۆرکیأنینگ جمهورباشلیغی رجب طیب أردوُغان "آفریقا بیلن دوُستلوغیمیز و ایشله‌شمه‌گیمیزی اؤسدۆرمأگه یؤریته أهمیت بردیک" دیدی.

أردوُغان آنکارادا 3-نجی تۆرکیه- آفریقا اوُرتاقلیق ماصلاحاتیندا آفریقالی یاشلار بیلن دوشوشیق گچیدی.

أردوُغان تۆرکیأنینگ آفریقا بیلن 10-نجی عاصرا یتن چونگ بیر قاتناشیغی نینگ بوُلاندیغینی آیتدی.

شو گۆنه چنلی 30 آفریقا یوردونا 50-دن کؤپ ساپار قوراندیغینی یاتلادان أردوُغان کؤپ سانلی دؤولت و حؤکۆمت یوُلباشچیسینا دا تۆرکیه ده یر ایه چیلیگینی ادندیکلرینی نیغتادی.

دینگه شو ییل، ساحیل آستی آفریقادان 38 یوُقاری درجه لی توُپارینگ تۆرکیأ گلندیگینی آیدان أردوُغان شیله دوُوام اتدی:

"آرامیزداقی آلیسلیغا قارامازدان آفریقا یورتلارینی یاقین قوُنگشیمیز، همیشه لیک دوُستومیز دییپ بیلیأریس. آفریقا مسئله لری باراسیندا آفریقاداقی دوُستلاریمیز بیلن گؤزیتیمیمیز بیردیر"

"ایقدیصادی قاتناشیقلاریمیزی دِنگ اوُرتاقلیق اساسیندا قازانچ- قازانچ قاراییشی بیلن قوراندیرس" دیه ن أردوُغان،

"آفریقادا 70 میلیارد دلاردان کؤپ 1150 پروژه آلیپ باریاریس. آفریقادا مایاقوُیومیمیز 6 میلیارد دلاردان گچیأر. اوُنگ مۆنگلرچه آفریقالی دوُغانیمیز بو شرکتلرده ایشله یأر." دیدی.

أردوُغان تۆرکیه بورسلاری بیلن 180-دن کؤپ یورتدان تۆرکیأ اوُقاماغا گلینیأندیگینی یاتلاتدی و شوُل بورسلاردان پیدالانیپ شو واغتقی واغتدا اؤز یورتلاریندا وزیر، سیاساتچی، آکادمیسین، ایشه وۆر و بروکرات بوُلوپ حیذمات بریأن 70 مۆنگدن کؤپ آدامینگ اوُقووینی قوتاراندیغینی آیتدی.