تۆرک قشونی اوُوغانیستان دان چکیلیأر

تۆرکیأنینگ جمهورباشلیغی نینگ مطبوغات گِنگه شچیسی ابراهیم قالین تۆرک قشونی نینگ شو گۆن یا-دا ارتیر اوُوغانیستان دان چیقجاقدیغینی بیلدیردی.

قالین 2001-نجی ییلدان بأری اوُوغانیستان دا ایش آلیپ باران تۆرک قشونی نینگ اوُوغانیستان دان چیقماغی باراسیندا،

"36 ساغات ایچرسینده تۆرک قشونی دوُلولیغینا اوُوغانیستان دان چیقار" دیدی.

قالین "قشونیمیز ایزا قایداندان سوُنگرا حامد کرزی قوُنالغاسینی دوُلاندیرماغا دوُوام ادیپ بیلریس. بو مسئله باراسیندا دوشوشیقلار گچیریلیأر" دیدی.

طالیبان بیلن تۆرکیأنینگ حابار آلما تشکیلاتی و داشاری ایشلر وزیرلیگی تاراپیندان مسئله بارادا دوشوشیق گچیریلیأندیگینی آیدان قالین،

"اوُوغانیستان دان تۆرکیأ گؤچ ادیلشیگینگ اؤنگۆنه گچمه ک اۆچین دوشوشیقلاریمیزا دوُوام ادیأریس. گؤچ توُلقونی نینگ اؤنگۆنه گچمه ک اۆچین بؤلگه دأکی یورتلار و حالقارا جمغیتچیلیگینگ موندان دا کؤپ جوُغاپکأرچیلیک آلماغی ضرور. تۆرکیه گؤچ ادیلشیک مسئله سینده اۆستۆنه دۆشنیندن کؤپ جوُغاپکأرچیلیک آلدی. قانونسیز بوُۀان گؤچ ادیلشیک اۆچین تأزه چأره لر دؤره‌تدیک. تۆرکیه هیچ کیمینگ گؤچ آمباری دألدیر. بی قانون گؤچ ادیلشیگینگ اؤنگۆنه گچمه ک اۆچین ایزی گیدرلی یاغدایدا ایران بیلن دوشوشیق گچیریلیأر" دییپ بیلدیردی.

میللی قوُرانماق وزیرلیگی تۆرکیأنینگ یاراغلی گۆیچلری نینگ عسگرلری نینگ اوُوغانیستان دان چیقماغا باشلاندیغینی بیلدیردی.

طالیبان 15-نجی آگوست دا کابل شهرینی اله سالیپدی و شوُل گۆندن بأری اوُوغانیستان داقی داشاری یورتلی عسگرلر، دیپلماتلار و یؤنه کی رایاتلارینگ کابل دان چیقیشی باشلاپدی.