تۆرکیأنینگ مجلیسی نینگ باشلیغی رئیسی بیلن دوشوشدی

مصطفی شن توُپ ابراهیم رئیسی بیلن دوشوشدی

1686301
تۆرکیأنینگ مجلیسی نینگ باشلیغی رئیسی بیلن دوشوشدی

تۆرکیأنینگ مجلیسی نینگ باشلیغی رئیسی بیلن دوشوشدی

تۆرکیأنینگ بیک میللت مجلیسی نینگ باشلیغی مصطفی شن توُپ ایران ینگ پایتاغتی تهران دا، اؤز ایشینه باشلان ایران ینگ جمهورباشلیغی ابراهیم رئیسی بیلن دوشوشدی.

دوشوشیغا عادالات و اؤسۆش پارتیاسی نینگ باشلیغی نینگ اوُرونباساری نعمان قورتولموش، تۆرکیه بیلن ایران ینگ دوُستلوق توُپاری نینگ باشلیغی و وان شهری نینگ مجلیس دأکی وکیلی عثمان نوری گۆل آچار و عادالات و اؤسۆش پارتیاسی نینگ کۆتاهیا شهری نینگ وکیلی اسحاق غزل ده قاتناشدی.

مصطفی شن توُپ ایران ینگ 8-نجی جمهورباشلیغی ابراهیم رئیسی بیلن دوشوشیغیندان سوُنگ برن بیاناتیندا،

"حوُرماتلی جمهورباشلیغیمیز رجب طیب أردوُغان ینگ سالامینی یتیردیک. رئیسی نینگ جمهورباشلیقلیغی نینگ ایران حالقینا حاییرلی بوُلماغینی آرزوو اتدیک و اؤزلرینه بو وظیپه ده اۆستۆنلیک آرزوو اتدیک" دیدی.

تۆرکیأنینگ بیک میللت مجلیسی نینگ باشلیغی تۆرکیه- ایران یوُقاری درجه لی حیذماتداشلیق گنگه شی نینگ ماصلاحای نینگ ایکی یوردونگ قاتناشیقلارینی یوُقارلاتماغی اۆچین ایترگی بوُلماغینی دا آرزوو اتدی.

عادالات و اؤسۆش حزبی نینگ باشلیغی نینگ اوُرونباساری نعمان قورتولموش دا تۆرکیأنینگ جمهورباشلیغی رجب طیب أردوُغان و آق پارتی نینگ قوتلاغینی ابراهیم رئیسی-یه یتیرندیکلرینی آیتدی و

"تۆرکیه بیلن ایران ینگ قاتناشیقلاری نینگ تأزه دؤوۆرده اؤسمه گینی آرزوو اتدیک. تۆرکیه- ایران ینگ ایقدیصادی قاتناشیقلاری نینگ اؤسۆشی نینگ هر ایکی یورت اۆچین ده بأحبیتلی بوُلجاقدیغینا اۆنس چکدیک" دیدی.

ایران ینگ سایلانان جمهورباشلیغی ابراهیم رئیسی ده بو دوشوشیقدا ایران بیلن تۆریأنینگ آراسینداقی قاتناشیغینگ قوُنگشوچیلیقدان یوُقاری بوُلاندیغینی یاتلاتدی و

"اوُرتاق اینانچلار، ایکی یوردونگ حالقینی بیری بیرینه یاقینلاشدیریار. ایران ینگ تأزه داشاری سیاساتی دوُست و دوُغانلیق یورت  تۆرکیه بیلن قاتناشیقلاری دۆرلی پوداقلاردا اؤسدۆرمه‌گه اِساسلانیاندیر. تهران بیلن آنکارانینگ قاتناشیقلاری هر پوداقدا اؤسدۆرمه ک اۆچین کؤپ سانلی پتانسیلی باردیر. قاتناشیقلاری یوُقارلاتماق، ایکی یوردونگ آراقاتناشیغینی بؤلگه آرا و حالقارا پوداقدا دا تأثیرلی یاغدایا گتیرجکدیر" دیدی.

یاناشیق یورتلارا أهمیت بریأندیکلرینی نیغتان رئیسی،

"قوُنگشوچیلیق سیاساتی نینگ اۆستۆنلیگی، ایران بیلن تۆرکیه آراسینداقی کؤپ اوغورلی قاتناشیقلارینگ چونگلاشماغینا و اؤسمه‌گینه باغلیدیر" دیدی.

شن توُپ بیلن بیله لیگیندأکی توُپار رئیسی نینگ آنت ایچمه داباراسینا دا قاتناشدی.



دِگیشلی حابارلار