أردوُغان دمیرقازیق قبرس تۆرک جمهوریتینه ساپار قورار

تۆرکیأنینگ جمهورباشلیغی رجب طیب أردوُغان، دمیرقازیق قبرس تۆرک جمهوریتینده بیر بوشلوق برجکدیگینی آیتدی.

أردوُغان ایستامبول دا آیاصوفیا متجیدینده جومغا نامازینی اوُقاندان سوُنگ بیانات بردی.

اولی بیر توُپار بیلن دمیرقازیق قبرس تۆرک جمهوریتینه گیتجکدیگینی آیدان أردوُغان ایلکینجی گۆن پارلماندا چیقیش اتجکدیگینی بیلدیردی و شوُل یرده بیر بوشلوق برجکدیگینی سؤزلرینه قوُشدی.

تۆرکیأنینگ جمهورباشلیغی سه شنبه گۆنی ده پاراحاتچیلیق و ارکینلیک بایرامینا قاتناشجاقدیغینی حابار بردی و اؤزآر و توُپارآرا دوشوشیقلارینگ گچیریلجکدیگینی بیلدیردی.

أردوُغان دمیرقازیق قبرس تۆرک جمهوریتیندأکی شو ییلقی دابارالارینگ آدا و بۆتین دۆنیأ اۆچین پاراحاتچیلیغینگ یوُلا قوُیولماغی نینگ دۆیبۆنی توتجاقدیغینی اومیت ادیأندیگینی نیغتادی.

تۆرکیأنینگ جمهورباشلیغی، ریزه ولایاتینداقی سیل مسئله سینه ده اۆنس چکدی و شوُل واقانی یاقیندان ایزارلایاندیغینی بیلدیردی.

أردوُغان آلمانیاداقی سیل باراسیندا دا بو واقانینگ اولی بیر بِتباغتچیلیق بوُلاندیغینی سؤزلرینه قوُشدی.