تۆرکیأنینگ میللی قوُرانماق وزیری آلمان ایشدِشی بیلن دوشوشدی

میهمان وزیر میللی قوُرانماق وزیرلیگینده خلوصی آقار تاراپیندان رسمی دابارا بیلن قارشیلاندی

1660260
تۆرکیأنینگ میللی قوُرانماق وزیری آلمان ایشدِشی بیلن دوشوشدی

 

تۆرکیأنینگ میللی قوُرانماق وزیری خلوصی آقار رسمی ساپار بیلن تۆرکیأ گلن آلمانیانینگ قوُرانماق وزیری آنگه گرت کرامپ- کارنباوئر بیلن دوشوشدی.

میهمان وزیر میللی قوُرانماق وزیرلیگینده خلوصی آقار تاراپیندان رسمی دابارا بیلن قارشیلاندی.

ایکی وزیر اؤزآرا دوشوشیقدان سوُنگ بیانات بردی.

تۆرک وزیر "دوُستومیز، اوُرتاغیمیز، ناتوداقی اینگ مؤهۆم ایشدشیمیزدن بیری" دییپ آیدانی آلمانیانینگ قوُرانماق وزیرینی تۆرکیه ده میهمان ادندیگی اۆچین بویسانیاندیغینی آیتدی و میهمان وزیر بیلن قوُوی دوشوشیق گچیرندیگینی نیغتادی.

تۆرکیه بیله آلمانیانینگ آراسینداقی تاریحی و مدنی قاتناشیقلارا اۆنس چکن آقار،

"فوریه آییندا برلین شهرینه ادن ساپاریمیزداقی یالی اؤرأن بأحبیتلی و ایکی تاراپلی ایلالاشیق بیلن دوشوشیق گچیردیک دیدی.

"(آیرالیقچی ترور قوراماسی) پ. ک. ک دیمه‌ک ی. پ. گ دیمه‌کدیر" دیه ن آقار،

"بیزینگ کۆرت دوُغانلاریمیز بیلن هیچ حیلی اتنیکی و دینی گؤره شیمیز یوُقدیر. کۆرتلر بیزینگ دوُغانیمیزدیر. شو مسئلأنی گۆن ترتیبینه گتیردیک" دیدی.

تۆرک وزیر "فتؤ (فت الله چی ترور قوراماسی) باراسیندا دا آلمانیادا فتؤ مسئله سی نینگ باردیغینی، اوُلارینگ مسئله بارادا بیرنأچه ایش آلیپ باراندیقلارینی، بو مسئلأنینگ قوُرانماق وزیرلری بیلن باغلانشیغی بوُلماسا دا ایکی یوردونگ آراسینداقی أهمیتلی مسئله بوُلاندیغینی حوُرماتلی وزیره بیلدیردیک" دیدی.

آلمانیانینگ قوُرانماق وزیری ده تۆرکیأنینگ میهمان سؤیرلیگی اۆچین مینتدارلیق بیلدیریپ،

"قوُوی اوُرتاقلار بیری بیرینه قولاق برر و هر حیلی یاغدایدا هاوا دیمه سه ده دۆشۆنشمه‌ک اۆچین تاغاللا ادر. شو گۆنکی دوشوشیغیمیزدا آصلیندا اولی مؤچبرده ایلالاشدیق" دییپ آیتدی.



دِگیشلی حابارلار