أردوُغان بروکسلده
تۆرکیأنینگ جمهورباشلیغی ناتونینگ یوُلباشچیلار ماصلاحاتینا قاتناشیار
تۆرکیأنینگ جمهورباشلیغی رجب طیب أردوُغان ناتونینگ یوُلباشچیلار ماصلاحاتینا قاتناشماق اۆچین بلژیک ینگ پایتاغتی بروکسل ده ساپاردا بوُلیار.
أردوُغانی ملسبروک قوُنالغاسیندا تۆرکیأنینگ ناتوداقی همیشه لیک وکیلی باسات اؤزتۆرک، اوروپا بیله له شیگیندأکی همیشه لیک وکیلی محمت کمال بوُزآی، بروکسل دأکی ایلچی حسن اولوسوُی و بیله کی وکیللر قارشیلادی.
أردوُغان ینگ قالان هتلی نینگ داشیندا تۆرکیه بایداقلاری بیلن قاراشیانلار گؤرۆلدی.
قاراشیانلارینگ آراسیندا فلسطینلیلر ده اۆنس چکدی.
تۆرکیأنینگ جمهورباشلیغی و عایالی امینه أردوُغان داشاردا اوُنگا قاراشیانلارا سالام بردی.
أردوُغان آغشام مجاریستان ینگ باش وزیری ویکتور اوربان، لیتوانیانینگ جمهورباشلیغی گیتاناس نوسدا و لتونیانینگ جمهورباشلیغی اگیلس لویتس بیلن دوشوشیق گچیردی.
تۆرکیأنینگ جمهورباشلیغی، آمریکانینگ یوُلباشچیسی جو بایدن، آلمانیانینگ باش وزیری آنگلا مرکل، بریتانیانینگ باش وزیری بوریس جانسون و یونان ینگ باش وزیری کیریاکوس میچوتاکیس بیلن ده دوشوشیق گچیرر.
دوشوشیقلاردا ناتوداقی مسئله لر بیلن بیله لیکده اؤزآرا قاتناشیقلار و بؤلگه آرا مسئله لر ده سلجریلر.
أردوُغان بیلن بایدن ینگ دوشوشیغی بایدن ینگ آمریکانینگ جمهورباشلیغی سایلانماغیندان سوُنگ بیرینجی دوشوشیقلاری بوُلار.