چاووش اوُغلی: عیراق‌داقی مخمور کمپی بوُسغونلارینگ کمپی دألدیر

تۆرکیأنینگ داشاری ایشلر وزیری عیراغینگ دمیرقازیغینداقی پ. ک. ک نینگ ترورچیلاری باراسیندا ماغلومات بردی

1655025
چاووش اوُغلی: عیراق‌داقی مخمور کمپی بوُسغونلارینگ کمپی دألدیر

تۆرکیأنینگ داشاری ایشلر وزیری مولود چاووش اوُغلی عیراغینگ دمیرقازیغینداقی مخمور کمپی نینگ بیر بوُسغون کمپی بوُلماقدان چیقیپ تروریستلارا ساپاق بریلیأن پ. ک. ک نینگ هینی یاغدایینا گلندیگینی آیتدی.

تۆرکیأنینگ رادیو و تلویزیون قوراماسی ت. ر. ت نینگ یؤریته اوُتورشیغینا میهمان بوُلان چاووش اوُغلی، ترورچیلیق بیلن گؤره ش مسئله سینه اۆس چکدی و مخمور کمپی نینگ عیراغینگ مرکزی حؤکۆمتی نینگ جوُغاپکأرچیلیگینده بوُلاندیغینی بیلدیردی.

چاووش اوُغلی "بو مسئلأنی چؤزگۆده قوُوشورجاق بوُلان عیراغینگ دوُلانشیغیندیر. تؤوه رِگینده داغلار بار. پ. ک. ک نینگ شوُل یرلرده کؤک سالاندیغی گؤرۆلیأر" دیدی.

شوُل کمپینگ گیره لگه لری نینگ آیرالیقچی ترور قوراماسی پ. ک. ک نینگ کنترلیندا بوُلاندیغینی آیدان چاووش اوُغلی، بیرلشن میللتلر قوراماسینا مسئله بارادا ماغلومات بریلندیگینی یاتلاتدی و

"بیرلشن میللتلر قوراماسی نینگ هیچ گۆنأسی یوُق دیمه‌ک ایسله مه یأرین اِمما بو کمپ بیرلشن میللتلر قوراماسی نینگ کنترل ادن بیر کمپی ده دألدیر" دیدی.

کمپینگ پ. ک. ک دان صاپلانماغی اۆچین عیراغینگ دوُلانشیغینا "یا حیذماتداشلیق ادیلینگ یا دا قوُیبرینگ بیز صاپلایلینگ" دیدیکلرینی بیلدیرن تۆرکیأنینگ داشاری ایشلر وزیری،

"بیز عیراغینگ قاراشسیزلیغینا حوُرمات قوییاریس. عیراغینگ توُپراق بیتولیگینه قوُلداویمیزی هممه لر گؤردی. بۆتین قینچیلیقلاردا اوُلارینگ یانیندا بوُلدوق. بیز بیله لیکده بو مسئلأنی چؤزمه گی آرزوو ادیأریس. ادیپ بیلجک بوُلسالار اؤزلری نینگ ترورچیلیقدان صاپلاماغینی ایسله یأریس. اِمما قینانساغام ادیپ بیلجک ایشلری دأل. بیز بو ایشی چؤزۆپ بیلریس. یؤنه کی رایاتلاری آییریپ بو ایشی چؤزۆپ بیلریس" دیدی.

عیراغینگ یوردونداقی ترورچیلاردان بینجالیق بوُلاندیغینی و توُپراقلاریندان تۆرکیأ هۆجۆم قورالماغینی آرزوو اتمه یأندیگینی یاتلادان چاووش اوُغلی،

"اِمما مونی دیمه ک باشغا، حاقیقی یاغدایدا شیله اتمه ک باشغا" دیدی.



دِگیشلی حابارلار