أردوُغان تلفن آرقالی پاپ بیلن دوشوشیق گچیردی

تۆرکیأنینگ جمهورباشلیغی رجب طیب أردوُغان پاپ فرانسیسی بیلن تلفن آرقالی دوشوشیق گچیردی.

دوشوشیغینگ گۆن ترتیبینده ایسرائیل ینگ فلسطینه قارشی ادن هۆجۆملری باردی.

آراقاتناشیق اداراسیندان بریلن ماغلوماتا گؤرأ أردوُغان بو دوشوشیقدا فلسطین ده بیر واغشیچیلیق بوُلیاندیغینی آیدیپ، ایسرائیل ینگ هۆجۆملری نینگ دینگه فلسطینلیلره بوُلماندیغینی، ترسینه ایسرائیل ینگ مسلمانلارا، مسیحیلره و انسانلیغا هۆجۆم ادیأندیگینی بیلدیردی.

مسجدالأقصی و موقاددس قابیر کلیساسینا گیرمه گی قاداغان ادن، عیبادات آزاتلیغینی چأکلِندیرن، فلسطین ده گۆنأسیز رایاتلاری اؤلدۆرن اشغالچی ایسرائیل ینگ انسانلیغینگ نامیسینی باسغیلایاندیغینا اۆنس چکن تۆرکیأنینگ جمهورباشلیغی، ایسرائیل ینگ سالان بو حوُوپونینگ بؤلگأنینگ حوُوپسوزلیغینا تهدیت بوُلاندیغینی نیغتادی.

أردوُغان ایسرائیل ینگ قدس ینگ یاغدایینی هیچه سایان حقوقسیز و انسانلیغا باپ گلمه یأن توتوملاری نینگ چالت یاغدایدا دوروزیلماغی اۆچین، موقاددس یرلره هۆجۆم اتمه کدن چکینمه یأن اشغالچی اسرائیل ینگ قارشیسیندا بۆتین انسانلیغینگ بیله لیکده دورمالیدیغینی آیتدی.

أردوُغان تۆرکیأنینگ حالقارا جمغیتچیلیگ ایسرائیلا قارشی توتوم گؤرکِزمه گی اۆچین تاغاللا ادیأندیگینی و بیرلشن میللتلر قوراماسی باشدا بوُلماق بیلن حالقارا جمغیتچیلیکلرده اولی بیر دیپلماسی آلیپ باریاندیغینی آیتدی و بیرلشن میللتلر قوراماسی نینگ حوُوپسوزلیق گنگه شی نینگ جوُغاپکأرچیلیکلرینه لاییق حرکت اتمه یأندیگینی تانقیت اتدی.

حالقارا جمغیتچیلیگه قارشی جنایات ادیأن ایسرائیلا گره کلی بوُلان چأکلندیرمه لرینگ قوُیولیانچا فلسطینلیلرینگ قیرغینچیلیغا نأچار قالجاقدیغینا اۆنس چکن أردوُغان، بو مسئله ده پاپ فرانسیس ینگ برجک بیاناتی  و توتومی نینگ مسیحی دۆنیأسینی و حالقارا جمغیتچیلیگی حرکته گچیرمه ک اۆچین اولی أهمیته ایه دیگینی یاتلاتدی.