ابراهیم قالین: آمریکا دؤولتینه قارشیلیق گؤرکِزیلر

تۆرکیأنینگ جمهورباشلیغی نینگ مطبوغات گنگه شچیسی ابراهیم قالین، آمریکانینگ یوُلباشچیسی جو بایدن ینگ 1915-نجی ییلداقی واقالاری "قیرغینچیلیق" حاساپ اتمه گینه تۆرکیأنینگ قارشیلیق گؤرکِزجکدیگینی و جوُغاپ برجکدیگینی آیتدی.

انگلیس رویترز حابار سریشده سینه بیانات برن ابراهیم قالین،

"جو بایدن ینگ بو قوُرقونچ سؤزلری اؤرأن عادالاتسیزدیر. بیز دوُلولیغینا بو سؤزلری رِت ادیأریس و یازغاریاریس. اوُنونگ سؤزلری تاریحی حاقیقات تاراپیندان قوُلدانمایار. قانونی بیر دۆیبی یوُق" دیدی.

تۆرکیأنینگ واغتیندا بایدن ینگ سؤزلرینه جوُغاپ برجکدیگینی آیدان قالین،

"اؤنگۆمیزدأکی گۆن یا دا آیلاردا تاپاووتلی یاغدایدا دۆرلی و پارقلی درجه لرده قارشیلیق گؤرکِزیلجکدیر" دیدی.

آمریکانینگ یوُلباشچیسی نینگ سؤزلری نینگ سیاسی تایدان دا جوُغاپکأرچیلیکدن اوزاق بوُلاندیغینی بیلدیرن قالین،

"سیاسی تایدان قارانیمیزدا بو جوُغاپکأرچیلیکدن اوزاق بیر بیانات. قاراباغ ینگ آزات ادیلمه گیندن سوُنگ ارمنیستان بیلن قاتناشیقلارینگ عاداتی یاغدایا گتیریلمه گی باشدا بوُلماق بیلن تۆرکیأنینگ ایزارلایان اتاپلارینا هیچ بیر قوُشاندی یوُق. بو سؤزلر تۆرکیه بیلن آمریکانینگ قاتناشیقلارینا دا تأثیر یتیرجکدیر" دیدی.

تۆرکیأنینگ جمهورباشلیغی نینگ مطبوغات گنگه شچیسی، 2005-نجی ییلدا أردوُغان ینگ آرشیولارین آچیپ اوُرتاق کمیته نینگ بارلاغ گچیرمه گینی تکلیپ ادندیگینی یاتلاتدی.

ارمنیستان ینگ دا بو چاغیریشا اؤز سؤزلرینی پوجا چیقارجاقدیغینی بیلندیگی اۆچین جوُغاپ برمأندیگینه اۆنس چکن قالین، تۆرکیأنینگ بایدن ینگ بی آبرای سؤزلرینه قارشیلیق برمأگه دوُوام اتجکدیگینی بیلدیردی.