چاووش اوُغلی امامعلی رحمان بیلن دوشوشدی

رسمی ساپار بیلن دوشنبه شهرینده بوُلان چاووش اوُغلی دوشوشیقدان سوُنگ بیانات بردی

1610756
چاووش اوُغلی امامعلی رحمان بیلن دوشوشدی

 

تۆرکیأنینگ داشاری ایشلر وزیری مولود چاووش اوُغلی تأجیگیستان ینگ جمهورباشلیغی امامعلی رحمان تاراپیندان قابول ادیلدی.

رسمی ساپار بیلن دوشنبه شهرینده بوُلان چاووش اوُغلی دوشوشیقدان سوُنگ بیانات بردی.

تۆرک وزیر "اؤزآرا سؤودانی و تۆرکیأنینگ تأجیگیستان داقی مایاقوُیوملارینی یوُقارلاتماق اۆچین الیمیزدن گلنی ادریس" دیدی.

چاووش اوُغلی ارتیر دوشنبه ده اوُوغانیستان بیلن باغلانشیقلی گچیریلجک آسیانینگ قلبی- ایستامبول اتابی ماصلاحاتی نینگ 9-نجیسی اۆچین امامعلی رحمانا مینتدارلیق بیلدیردی.

مولود چاووش اوُغلی،

"دوُغان تأجیگیستان یوردی بیلن قاتناشیقلاریمیزا أهمیت بریأریس. تأجیگیستان ینگ حوُوپسوزلیغی و دورنوقلیلیغی بیزینگ ده حوُوپسوزلیق  آسودالیغیمیزدیر" دیدی.

تۆرک وزیر ایکی یوردونگ ایقدیصادی، سؤودا، مایاقوُیوم، مدنیت، سیاحاتچیلیق، تعلیم تربیه و انرژی یالی کؤپ اوغوردا اؤرأن قوُوی حیذماتداشلیق ادیأندیگینی یاتلاتدی.

رحمان بیلن دوشوشیغی بیلن بارادا دا ماغلومات برن چاووش اوُغلی توییتردا،

"قاتناشیقلاریمیز جمهورباشلیقلاریمیزینگ یوُلباشچیلیغیندا هر پوداقدا اؤسیأر" دیدی.

مولود چاووش اوُغلی تأجیک ایشدشی سراج الدین مهرالدین و صناغات و تأزه تکنولوژیلار وزیری شیرعلی کبیر بیلن ده دوشوشدی.



دِگیشلی حابارلار