عبدالله ارن: آراکانلی مسلمانلارینگ یاغدایی گۆن ترتیبینه گتیریلمه لیدیر
YTB روهینگیالی مسلمانلارا مدیا ساپاغینی برِر
داشاری یورتلی تۆرکلر و قارینداش جمغیتلر اداراسی نینگ باشلیغی عبدالله ارن، آراکانلی مسلمانلارینگ یاغدایی نینگ حالقارا قورلوشیقلار و مدیانینگ گۆن ترتیبینه گتیریلمه لیدیگینی آیتدی.
ارن پایتاغت آنکارادا برن بیاناتیندا داشاری یورتلی تۆرکلر و قارینداش جمغیتلر اداراسی نینگ (YTB) ایشلری نینگ بیری نینگ تۆرکیأنینگ دوُغانلیق بؤلگه لر و قارینداش جمغیتلر بیلن باغلانشیقلی ایش آلیپ بارماق بوُلاندیغینی آیتدی و
"شیله ده آراکانلی مسلمان دوُغانلاریمیز بیزینگ اۆچین أهمیتلیدیر. غینانساغام میانماردا یورتداشلیق حاقلاری باشدا بوُلماق بیلن اولار اینگ اساسی انسانی حاقلاریندان ماحروم. بو مسئلأنینگ حالقارا قورامالار و مدیانینگ گۆن ترتیبینه گتیرمه گی ضروردیر" دیدی.
میانمارینگ داشیندا یاشایان کؤپ سانلی مسلمان آراکانلی دیاسپوراسینا اۆنس چکن ارن،
"بو دوُغانلاریمیزینگ سسلرینی دۆنیأ تأثیرلی یاغدایدا یتیریپ بیلمه ک و دیاسپوراداقی جمغیتچیلیکلرینگ اؤسۆشینه قوُشانت قوُشماق اۆچین روهینگیا آنلاین مدیا ساپاغینا باشلادیاریس. 29- 31-نجی مارت تاریحیندا بو ساپاقلار آنلاین یاغدایدا گچیریلجکدیر" دیدی.
دِگیشلی حابارلار
تۆرکیه فلسطینلیلره کؤمِک ایبرمأگه دوُوام ادیأر
تۆرکیه دن انسانی کؤمِک آلیپ باریان 8-نجی گأمی مرسین دن یوُلا چیقدی