ابراهیم قالین بیلن سالیوان تلفن آرقالی دوشوشیق گچیردی

تۆرکیأنینگ جمهورباشلیغی نینگ مطبوغات گنگه شچیسی ابراهیم قالین، آمریکانینگ میللی حوُوپسوزلیق جوُغاپکأری جک سالیوان بیلن تلفن آرقالی دوشوشیق گچیردی.

قالین بو دوشوشیقدا وظیپه سینه باشلان سالیوان-ی قوتلادی.

گلجک دؤوۆرده تۆرکیه- آمریکا قاتناشیقلاری نینگ یوُقارلادیلماغی و هر مسئله ده یاقیندان گپله شیک گچیریلمه کی و دۆیپلی حیذماتداشلیق اۆچین دیالوگ کاناللاری نینگ اولانیلماغی نینگ أهمیتینه اۆنس چکیلن دوشوشیقدا تأزه کروناویروس کسلی بیلن گؤره شده گلوبال حیذماتداشلیق باراسیندا دا گنگه شیلدی.

سوریه بیلن لیبی ده سیاسی چؤزگۆدینگ گۆیچلندیریلمه لیدیگی باراسیندا ایلالاشیلان دوشوشیقدا هر حیلی ترورچی توُپارلارا قارشی اوُرتاق گؤره شینگ آلیپ باریلماغی نینگ أهمیتینه اۆنس چکیلدی.

دوشوشیقدا ادلب دأکی سوُنگقی یاغدایلار باراسیندا دا پیکیر آلیشیلدی و تۆرکیه بیله یونان آراسینداقی گپله شیکلرینگ گۆن دوُغار آق دنگیزده پاراحاتچیلیق و دورنوقلیلیق گتیریلمه گینه قاراشیلیاندیغی آیدیلدی.

ایکی حیذماتداش یوردونگ تأزه دؤوۆرده گۆیچلی و دوُوام ادیلیپ بیلجک بیر قاتناشیق مدلینی یوُلا قویماغی باراسیندا دا گپله شیلن دوشوشیقدا ناتونینگ گۆیچلندیریلمه گی بارادا دا ایلالاشیلدی.

دوشوشیق باراسیندا آق تامدان گلن بیاناتدا بوُلسا،

"سالیوان بایدن ینگ دؤورۆنینگ دۆیپلی آمریکا- تۆرکیه قاتناشیقلارینی قورماق، حیذماتداشلیق پوداقلاری نینگ اؤسدۆریلمه گی و چیققینسیزلیقلاری تأثیرلی یاغدایدا دوُلاندیرماق ایسله یأندیگینه اۆنس چکیلدی" دییلدی.