أردوُغان: اوروپا بیله له شیگی بیزه برن سؤزلری نینگ هیچ بیرینده دورمادی

تۆرکیأنینگ جمهورباشلیغی رجب طیب أردوُغان شو گۆنکی گۆنه چنلی اوروپا بیله له شیگی نینگ تۆرکیأ برن سؤزلری نینگ هیچ بیرینده دورماندیغینی آیتدی.

أردوُغان ایستامبول دا مطبوغات ایشگأرلری نینگ سوُراغلارینا جوُغاپ بردی.

دۆین اتدیرن کروناویروس سانجیمیندان سوُنگ هیچ حیلی ترس تأثیرینگ بوُلماندیغینی آیدان أردوُغان، 28 گۆن سوُنگ بوُلسا ایکینجی دُوزی آلجاقدیغینی حابار بردی.

تۆرگیه- اوروپا بیله له شیگی قاتناشیقلاری نینگ اۆستۆنده دوروپ گچن أردوُغان، "1963-نجی ییلدان بأری بیز اوروپا بیله له شیگی بیلن قاتناشیقلاریمیزی همیشه اونگین حأصیه تده آلیپ بارماق اۆچین تاغاللا اتدیک. قینانساغام اوروپا بیله له شیگی بیزه شو گۆنکی گۆنه چنلی برن سؤزلری نینگ هیچ بیرینده دورمادی. ایندی بوُلسا تأزه بیر اتابینگ بوُساغاسیندادیرس. ایکی تاراپلایین گپله شیکلریمیز دوُوام ادیأر" دییپ مألیم اتدی.

تۆرکیأنینگ روسیادان اس- 400 هوُوا قوُرانیش اولغاملارینی ساتین آلماغی بیلن باغلانشیقلی آمریکا تاراپیندان بیلدیریلن بینجالیقلیغینگ هم اۆستۆنده دوروپ گچن أردوُغان "یزینگ قوُرانیش صناغاتی اوغروندا أدجک أدیملریمیزی هیچ بیر یورت کسگیتلأپ بیلمز. بو دولولیغینا بیزینگ تاراپیندان قابول ادیلجک قارارا باغلیدیر. بیز روسیا بیلن اس- 400 بیلن باغلی ایلکینجی تاپغیری چؤزدۆک. ایکینجی تاپغیر دوُوام ادیأر. شو آیینگ آخیریندا روسیا بیلن گپله شیک گچیرریس. انچمه مسئلأنی شوُل یرده آرا آلیپ ماصلاحاتلاشاریس. آمریکانینگ جمهورباشلیغی جو بایدن ینگ یوُلباشچیلیغینداقی حؤکۆمتینگ بو بارادا نأمه دیجکدیگینی بیز بیلمه یأریس. اِمما بیزینگ بو باباتدا آیتجاقلاریمیز بار. اؤز قوُرانیش صناغاتیمیزداقی أدیملریمیزی کأبیر یرلردن روغصات آلیپ اتمه ریس. ناتو قوراماسینا آغضا یورت حؤکمۆنده ناتونینگ آغضاسی بوُلان بیله کی یورتلارینگ هم بو باباتدا اوغروقدیرماغینی آصلا قابول اتمه ریس" دییپ بِلله دی.

تۆرکیأنینگ اف- 35 حاربی اوچارلاری نینگ پولونی برسه ده آمریکانینگ اوُلاری انته گِم برمأندیگینه اۆنس چکن أردوُغان "آمریکانینگ حیذماتداش یورت حؤکمۆنده بیزه ادیأنی اولی بیر یالنگیشدیر. گپله شیکلر گچیریلندن سوُنگ بایدن ینگ حاص اوُنگین أدیملر أتحکدیگینی اومیت ادیأرین" دییپ بِلله دی.