ماکسیمالیست نقشه لرینگ اۆستی بیلن یوردومیزی کنارا قاباماق اۆچین ادیلیأن تاغاللالارا قارشیدیرس

تۆرکیأنینگ جمهورباشلیغی رجب طیب أردوُغان پایتاغت آنکارادا چانکایا کؤشگۆنده اوروپا یورتلاری نینگ ایلچیلری بیلن دوشوشیق گچیردی.

بیله له شیک رایداشلیغی باهاناسی نینگ آرقاسینا سیغینیپ تۆرکیه- اوروپا بیله له شیگی گۆن ترتیبیدن حیاناتچیلیقلی پیدالانیلیاندیغینی آیدان أردوُغان "بو توتوم بیر تاراپدان برک قاتناشیقلاریمیزی ضامون آلان بوُلسا، بیله کی تاراپدان بیله له شیگینگ بؤلگه آرا و گلوبال گۆیچ بوُلماق اوغرونداقی گؤره شینی قوُوشادیار. گۆن دوُغار آق دنگیزی بیر بأسله شیک میدانی بوُلماقدان چیقاریپ، اوزاق مؤهلتله یین بأحبیتلریمیزه حیذمات اتجک حیذماتداشلیق اوغرونا اؤوۆرمه لیدیرس" دیدی.

"یونان -ی دارتغینلیغی آرتدیرجاق حرکتلردن یۆز اؤوۆرمأگه چاغیریاریس" دیه ن أردوُغا گنگه شمه لرینگ تأزه بیر ایامینگ حابارچیسی بوُلجاقدیغینا اینانیاندیغینی بیان اتدی.

سوُنگقی واغتلاردا اوروپا بیله له شیگی نینگ قبرس تۆرک تاراپی بیلن هیچ حیلی آراقاتناشیغی نینگ بوُلماندیغینا اۆنس چکن رجب طیب أردوُغان،

"اوروپا بیله له شیگی قبرس مسئله سی نینگ چؤزۆینده نأحیللی ینگیللشدیریجی رُل اوُیناپ بیلر. تۆرکیأنینگ و دمیرقازیق قبرس تۆرک جمهوریتی نینگ ایچینده بوُلمادیق ایسله ندیک دِنگله مه دن آق دنگیزده پاراحاتچیلیغینگ بوُلماجاقدیغینا گؤز یتیریلدی. قبرس شوُوسیز نوسغالاری یانگاداندان ماصلاحاتلاشماغینگ یرینه، تأزه و دوُغروچیل آلترناتیولاری آرا آلیپ ماصلاحاتلاشمالیدیرس" دیدی.

چیقیشیندا اوروپاداقی اسلاموفوبیک چمه لِشمه لرینگ هم اۆستۆنده دوروپ گچن أردوُغان "اسلام دوشمانچیلیغی اوروپادا یاشایان 6 میلیونا قوُلای یورتداشیمیزینگ حوُوپسوزلیغینا قوُرقی سالماق بیلن بیله لیکده، اوروپانینگ قیمماتلیقلاری تایدان هم اولی قارا کؤوِگه اؤورۆلیپ باریار" دیدی.