أردوغان ت. ر. ت ورلد فوُرومینا قاتناشار

"پاندمی دن سوُنگقی دۆنیأده حالقارا اولغام و اؤزگرِن دینامیکلار" ماضمونی بیلن اۆستۆمیزدأکی ییلینگ دکابر آیی نینگ 1-2-سی آرالیغیندا ویرچووال (مجازی) شرطلرده گچیریلجک ت. ر. ت ورلد فوروم 2020 تۆرکیأنینگ جمهورباشلیغی رجب طیب أردوُغان ینگ آچیلیش داباراسینداقی چیقیشی بیلن باشلار.

دۆنیأنینگ دۆرلی یرلریندن یوُلباشچیلار، بیلرمنلر، عالیملار و مشهورلار کروناویروس اپیدمیسیندن سوُنگ اؤزگِرن دنگ آغراملیقلاری ت. ر. ت ورلد فوروم 2020-ده آرا آلیپ ماصلاحاتلاشار. ت. ر. ت تاراپیندان دکابر آیی نینگ 1-2-سی آرالیغیندا آنلاین گؤرنۆشده گچیریلجک چأرأ جمهورباشلیق رجب طیب أردوُغان هر ییل بوُلشی یالی شو ییل هم حوُرماتلی میهمان حؤکمۆنده قاتناشار. 2017-نجی ییلدان بأری گچیریلیأن ت. ر. ت ورلد فوروما قاتناشیپ، تۆرکیأنینگ و دۆنیأنینگ گۆن ترتیبی نینگ ایلری توتولیان اوغورلاری بوُیونچا أهمیتلی بیان نامالار برن، بیان نامالاری دۆنیأ مطبوغاتیندان گینگ سِسلِنمه دؤره دن پرزیدنت أردوُغان ینگ شو ییلقی چأره ده مؤهۆم بیانات برمه گینه قاراشیلیار.

دؤولتینگ یوُقاری درجه لی یوُلباشچیلاری ت. ر. ت ورلد فوروما قاتناشار

ت. ر. ت ورلد فوروم 2020-ده تۆرکیأنینگ جمهورباشلیغی رجب طیب أردوُغانی ینگ یاقین اِگیندشی آراقاتناشیق اداراسی نینگ باشلیغی فخرالدین آلتون، پرزیدنتینگ مطبوغات گنگه شچیسی ابراهیم قالین بیلن صناغات و تکنولوژی وزیری مصطفی وارانک و داشاری ایشلر وزیری مولود چاووش اوُغلی دا قاتناشار.

آراقاتناشیق اداراسی نینگ باشلیغی آلتون ینگ دۆنیأنینگ گۆن ترتیبی بوُیونچا مؤهۆم بیان نامالار برمه گینه قاراشیلیان فوُرومدا، گچن ییللاردا بوُلشی یالی شو ییل هم دۆنیأنینگ دؤرت تاراپیندان یرلی و حالقارا قاتناشیجیلار بیلن سسلنمه دؤره تجک ماضمونلارینگ گۆن ترتیبینه گلجکدیگی چاقلانیار.

"پاندمی دن سوُنگقی دۆنیأده حالقارا اولغام و اؤزگِرِن دینامیکلار" ماضمونی بیلن گچیریلجک چأره ده دؤولتینگ یوُقاری درجه لی ایشگأرلری مؤهۆم اوغورلار بوُیونچا اوُتورلیشیقلارا قاتناشار. ابراهیم قالین "پاندمی دؤورۆنده کؤپ بلوکلی دۆنیأ: گلوبال حیذماتداشالیغینگ گلجگی"، مولود چاووش اوُغلی "دؤولت آرا قاتناشیقلاردا کووید- 19-دان سوُنگقی تأزه دؤوۆر" و مصطفی وارانک "پاندمی دن سوُنگقی دۆنیأده تکنولوژی نینگ گلجگی" آدلی اوُتورلیشیقلارا قاتناشیپ، گلوبال مسئله لری سلجرِرلر.

ت. ر. ت ورلد فوروم 2020-نینگ تانیشدیرلیش سایتی: www.trtworldforum.com