أردوُغان: تۆرکیه اینگ کؤپ بوُسغونا یر ایه چیلیگینی ادن یورت

تۆرکیأنینگ جمهورباشلیغی رجب طیب أردوُغان تۆرکیأنینگ سوُنگقی 6 ییلدا دۆنیأده اینگ کؤپ بوُسغونا یر ایه چیلیگینی ادن یورت بوُلاندیغینی آیتدی.

سعودی عربیستان ینگ یر ایه چیلیگینده گچیریلن گ- 20 نینگ ماصلاحاتی شو ییل کروناویروس سبأپلی ویدئوکنفرانس آرقالی عامالا آشیریلدی.

تۆرکیأنینگ جمهورباشلیغی رجب طیب أردوُغان گ- 20 ماصلاحاتینا ایستامبول داقی وحدالدین کؤشگۆندن قاتناشدی.

أردوُغان برن بیاناتیندا تۆرکیأنینگ اینگ کؤپ بوُسغونا یر ایه چیلیگینی ادن یورت بوُلاندیغینی آیتدی.

أردوُغان ساواش سبأپلی آغیر یاغدایدا بوُلانلارا انسانی کؤمِگینگ قوُلدانماغی نینگ ضروردیغینی آیتدی.

سوریه ده داعش ترور قوراماسی بیلن اورشان ناتونینگ یکه تأک یوردونینگ تۆرکیه بوُلاندیغینی آیدان رجب طیب أردوُغان، ترورچیلیغینگ اؤنگۆنه گچیلمه لیدیگینه اۆنس چکدی و دورنوقلیلیق و آسودالیغینگ گۆیچلندیریلمه گینی ایسله دی.

أردوُغان، تۆرکیأنینگ یکه قوُیولماغینا قارامازدان 9 مۆنگه یاقین ترورچینی توسساغ ادیپ یورتلارینا قایتاراندیغینی آیتدی.

تۆرکیأنینگ اقلیم بارادا دا اولی ایش آلیپ باریاندیغینی آیدان أردوُغان، بو مسئله ده قوُشااستانداردلی قاراییشلاردان اوزاق دورولماغینی ایسله دی.