أردوُغان: ایقدیصادیمیز باراسیندا توتان یرلیدیرس

أردوُغان ینگ تۆرکیأنینگ ایقدیصادیه‌تی و دموکراسی‌سی باراسیندا مؤهۆم سؤزلری

1531313
أردوُغان: ایقدیصادیمیز باراسیندا توتان یرلیدیرس

 

تۆرکیأنینگ جمهورباشلیغی رجب طیب أردوُغان تۆرکیأنینگ ایقدیصادیه ت و دموکراسیدا تأزه بیر اؤنگه گیدیشلیک اتمه گی اۆچین توتان یرلی بوُلاندیقلارینی آیتدی.

ایستامبولدا تۆیاپ کنگره مرکزینده 18-نجی موسیعاد اکسپو سرگیسینه قاتناشان أردوُغان، یورت حؤکمۆنده و میللتینگ ساغلیغینی قوُراماغا و اؤندۆریش ایشلری نینگ اۆزنۆکسیز دوُوام اتمه گینه أهمیت بریأندیکلرینی آیتدی.

تأزه گؤرنۆشلی کروناویروس یوُقانچ کسلی بیلن گؤره ش مسئله سینده هر ایشی ادندیکلرینی یاتلادان أردوُغان، عالیملارینگ تکلیپلرینه گؤرأ ایش آلیپ باراندیقلارینی نیغتادی.

أردوُغان "شرطلره اینگ دوُغریچیل یاغدایدا قارادیق و بو اتابی پورصادا اؤوۆرمه ک اۆچین توتان یرلیدیرس. بۆتین دۆنیأده کروناویروسینگ ایکینجی اتابی دوُوام ادیأرکأ بیزینگ یاغداییمیز ینه قوُوی" دیدی.

ایقدیصادیه ت و دموکراسی مسئله سینده توتان یرلیلیگینه اۆنس چکن أردوُغان،

"تۆرکیأنی بهره- تورم- داشاری یورت پولی نینگ مسئله سینده چیقارماغیمیز ضروردیر. بهره سبأپدیر، نتیجه سی تورم دیر. مونی شیله بیله یلی. هم ایقدیصادی سیاساتلاریمیزی آلیپ بارجاق هم ده دموکراسی و ارکینلیگیمیزی یوُقارلاتجاق هم ده میللتیمیزینگ گۆنلۆک یاشاییشینی آنگساتلاتجاق ایش آلیپ بارماق اۆچین طایارلیق گؤرۆیأریس" دیدی.



دِگیشلی حابارلار