أردوُغان بیلن پوتین تلفن آرقالی دوشوشدی

تۆرکیأنینگ جمهورباشلیغی أردوُغان ارمنیستان ینگ هۆجۆمچی و اشغالچی توتومینا اۆنس چکدی

1509195
أردوُغان بیلن پوتین تلفن آرقالی دوشوشدی

 

تۆرکیأنینگ جمهورباشلیغی رجب طیب أردوُغان بیلن روسیانینگ دؤولت یوُلباشچیسی ولادیمیر پوتین تلفن آرقالی دوشوشیق گچیردی.

آراقاتناشیق اداراسی تاراپیندان بریلن ماغلوماتا گؤرأ تۆرکیه- روسیا قاتناشیقلاری نینگ اؤسدۆریلمه گی باراسیندا ادیلجک ایشلر حاقیندا گپله شیلن دوشوشیقدا آذربایجان- ارمنیستان مسئله سی بیلن سوریه و لیبی دأکی یاغدایلار حاقیندا پیکیر آلیشیلدی.

أردوُغان بو دوشوشیقدا آذربایجان ینگ توُپراغینا هۆجۆم باشلادیپ تأزه دارتغینلیق دؤره دن ارمنیستان ینگ 30 ییلا قوُلای واغتدان بأری دوُوام ادن اشغالینی همیشه لیک یاغدایا گتیریأندیگینی یاتلادیپ، تۆرکیأنینگ هم مینسک توُپاری ایچرسیندأکی یری هم ده اؤزآرا قاتناشیقلاری تایدان بو مسئلأ همیشه لیک چؤزگۆت گتیرمه گینگ تاراپداری بوُلاندیغینی بیلدیردی.

أردوُغان سوریه دأکی دارتغینلیغا سیاسی چؤزگۆت اتابیندا قازانیلان سپگیدینگ قوُرالمالیدیغینا اۆنس چکدی.



دِگیشلی حابارلار